GOLFIÑOS DE AGUIÑO

Ata sempre golfiñ@s!!!!

2010-06-24T14:41:00.000-07:00

Parece que foi onte e xa pasaron 3 anos!!!!
Ainda recordo aqueles pequenos golfiñ@s que chegaron aló polo mes de setembro do 2007, uns entraban como se foran " da casa de toda a vida" e outros ... como choraban! pero pouco a pouco todos e todas fómonos sentindo a gusto na aula, aprendemos a poñer o mandilón, a ir ao baño sen axuda, a xogar nos recantos respectando as regras, a recoller e ordear o material , a debuxar as letras do noso nome,... recitamos poesías, cantamos cancións, inventamos historias, convertímonos en poetas e poetisas, descubrimos novos lugares nas saídas polo entorno,... investigamos sobre estrelas de mar, ras, bebés, auga,.....CANTAS COUSAS FIXEMOS NESTE TEMPO!!!
Pero o tempo pasa e agora estes golfiñ@s nadan cara á Educación Primaria, o seu tempo na E.Infantil rematou e aínda que neste momento teñen sentimentos encontrados (pois por unha parte queren ir a 1º porque iso implica ser cada vez máis maiores, pero por outra teñen algo de medo por deixar a súa aula, na que se sinten seguros e tamén á súa profe que, sin ser a mellor do mundo mundial, sí que é a única que eles e elas coñecen)o certo é que dentro de pouco novos mestres e mestras, novos espazos de xogo, os libros e libretas,.... encherán ese oco que deixa a saída da E. infantil.
As despedidas sempre son tristes, por iso non me quero alongar máis. Deixovos con esta pequena recolleita de imaxes do que temos vivido nestes tres anos.
Milleiros de bicos para os meus golfiñ@s!! Ata sempre!!

Aniversario de Artai

2010-06-24T14:33:00.000-07:00

Cuns días de adianto celebramos na aula o 6º aniversario de Artai.
Parabéns compañeiro!

Mandilón ao fogón

2010-06-21T13:07:00.000-07:00

Mañá remata o cole e a nosa andaina en E.Infantil,
xa case somos de primeiro!!!!
e claro, rematar infantil e pasar á Primaria supón moitos cambios: novos mestres e mestras, novo patio de xogos, novos materiais,... pero tamén supón decirlle adeus ao mandilón que nos acompañou nestes tres anos. Por iso, hoxe dixemos :
MANDILÓN AO FOGÓN!!!
e fomos un a un entrando no pavillón, nunha gran carreira á primaria, quitamos o mandilón e como se a portería fora unha gran lareira botamos a "queimar" o mandilón porque xa non nos fará falta na nova etapa que comenzaremos en setembro

Despois as mestras nos pintaron as caras nun obradoiro de maquillaxe, mirade que guapos e guapas estamos

os nenos e nenas de 5ºA quixeron representar para nós a súa versión da canción que representou a España no último festival de Eurovisión

e para rematar tivemos unha gran festa na que non faltaron as patacas fritidas, os gusanitos, os refrescos,.....

e mañá máis pois ainda temos que celebrar o aniversario do noso compañeiro Artai!

Un dia na praia

2010-06-20T13:34:00.000-07:00

Xa está a piques de rematar o curso e esta é a última das nosas saídas. Durante todo este ano fixemos moitas visitas e saídas para complementar o que estabamos investigando na aula pero a de hoxe era unha saída simplemente para disfrutar dos nosos compañeiros e compañeiras de ciclo de E. Infantil agora que case, case xa somos de 1º de Primaria. O lugar escollido polas nosas mestras foi a praia de Area Basta e alí pasamos unha xornada de xogos cos caldeiros e palas na area e cun día soleado.
Mirade que ben o pasamos!

Visitamos os muiños de Amendo

2010-06-16T06:44:00.000-07:00

Xa contamos cos dedos dunha man os días que faltan para que acabe o cole.
Que ganiñas temos xa!!!!
As nosas mestras, que saben o cansos/as que estamos, téñennos reservadas para estes últimos días varias saídas ao noso entorno.
Hoxe visitamos os Muiños de Amendo na compaña dos nenos e nenas da escola infantil de A Capela. Que contenta estaba María ao ver a súa antiga escola e os compañeiros e compañeiras do ano pasado!
Todos e todas disfrutamos das explicacións que nos deron sobre como funcionaban os muiños e como se pasaba nas noites de muiñada, pero o que nos deixou sen palabras foron as filloas, a empanada de mazá e o pan de millo que fixeron para nós. Estaba todo boííííísimo!!!
Se queredes ver como o pasamos, botádelle unha ollada a estas fotos:

Silencio, ródase en Aguiño!

2010-06-13T03:04:00.001-07:00

Xa hai moito tempo que nas aulas fixemos os nosos traxes para desfilar no pasarrúas de Entroido e , como non, fixemos moitas fotos. A profe Cris colleunas e montou un conto nos que os protagonistas son eses seres fantásticos que encheron as rúas de Aguiño aló polo mes de febreiro pero que, en realidade, somos nós.
Todas as aulas están disfrutando coa proxección deste conto que tanto traballiño lle dou a profe Cris e todas as familias que o desexen tamén o poderán ver o martes nas Xornadas de Portas Abertas.

Mirade que atentos estamos:

Ei, pero se estes somos nós!

O traballo das atadoras

2010-06-09T13:43:00.000-07:00

Hoxe tivemos no colexio a visita de Manolita que é unha das moitas atadoras que hai en Aguiño. Nós xa tiñamos investigado sobre o traballo destas mulleres pero non viramos a ningunha amañando as redes así tan de cerca.

Manolita enseñounos que para facer unha "trampiña" para coller os lenguados hai que poñer tres redes e ir cosendoas con moito coidado para que quede ben feita e que non podan escapar os peixes. Tamén nos enseñou que van unidas a dúas cordas: unha que leva plomos para que afunda e outra que leva corchos para que flote:

Pero non só fan redes senon que tamén as amañan cando rompen. Para iso séntanse no chan e, axudándose co pe, tensan a rede para poder cosela:

Moitas grazas Manolita por achegarte ao noso cole para compartir con nós o teu oficio

María xa ten seis, PARABÉNS!!!

2010-06-01T12:27:00.000-07:00

Hoxe celebramos na aula o aniversario de María, ainda que dende onte xa pertence ao clube dos e das que "xa teñen seis". Pouco a pouco cada vez hai menos nenos e nenas que teñan que empregar unha soa man para decir cantos anos teñen, o próximo será Artai que os cumplirá uns días despois de que remate o cole.
Ata que chegue o momento de disfrutar doutro riquísimo biscoito feito na casa, aí van as fotos do aniversario de María.

PARABÉNS!

Os oficios en Aguiño: os percebeiros

2010-05-30T03:20:00.000-07:00

Estes días estamos investigando sobre os oficios e traballos nos que se ocupan ás nosas familias. Por iso na nosa libreta de investigación apuntamos todos os traballos das nosas nais, pais, avós, avoas, tíos, tías, madriña, padriño,....

Despois na aula fixemos unha lista con todos eles e vimos que moitas mulleres traballan nas casas ou tamén nas conserveiras aínda que tamén hai quen traballa nun colexio, nun banco, nunha empresa de rotulación,... Os homes teñen moitos traballos relacionados co mar, ben sexa como mariñeiros, cociñeiros no barco, empregados nunha conserveira, percebeiros,...
Como descoñeciamos como realizaban os seus traballos, a profe Teresa propuxo chamar a un percebeiro para que viñera ao colexio e lle puideramos facer unha entrevista na que preguntarlle aquelas cousas que non sabiamos sobre o seu oficio.
Así pois, na nosa libreta de investigación escribimos a pregunta que lle queriamos facer ao percebeiro que ía vir á nosa aula e cando chegou todos e todas nos sentamos no chan coa nosa libreta na man

Que sorpresa levamos cando vimos que o percebeiro era o pai de Artai!!!!
Contounos que se levantara moi cedo para ir pescar robalizas coa súa caña e enseñounos como hai que poñerlle un peixe de mentira para engañalas e que tratando de comelo, quedaran enganchadas no anzuelo. Con moito coidado botou a caña por enriba de nós para que o viramos

e logo vimos a robaliza que pescou

e onde tiña os furados por onde quedara enganchada

Alguén de nos lle preguntou como collía os percebes e nos contou que tiñan que facelo con coidado porque era moi perigoso pois podias caer ao mar e que tiñas que levar unha roupa e calzado especial. Tamén nos dixo que cando non se podía ir aos percebes, ían coller ourizos e nos enseñou os aparellos que necesitan para elo

Trouxo moitas cousas para que as viramos: o troel para meter os percebes, o saco para botalos, o capacho, o que usan para mirar se hai pulpos debaixo da auga dende a lancha, o traxe de augas e as botas

A verdade é que aprendemos moito sobre este oficio e nos gustou que fora alguén das nosas familias o que se convertera en mestre por un día.
Moitas grazas Manolo por vir compartir este tempo con nós.

Visitamos a conserveira "Luis Escuris Batalla"

2010-05-26T07:02:00.000-07:00

Seguimos investigando sobre a nosa localidade e agora estamos recollendo información sobre os traballos que ocupan ás nosas familias. Na nosas libretas de investigación aparecen moitos traballos relacionados co mar: percebeiro, empregada nunha conserveira, mariño mercante, cociñeiro do barco, atadora,...
Hoxe fomos coñecer de cerca o traballo nunha conserveira e para iso fomos á Pobra do Caramiñal á fábrica de Luis Escuris Batalla. Alí puidemos ver como as mulleres limpaban o atún, como cocían as xoubas, como facían as latas, .... Queredes velo vos tamén? pois botádelle un ollo a esta presentación

e por certo, que tal estaba o atún co que nos agasallaron? Boíiiiiiiiisimo.
Moitas grazas aos empregados e a dirección de Luis Escurís Batalla por ternos invitado a coñecer a súa empresa e por ternos tratado tan ben. Estaremos encantad@s de volver.

Percorrendo Aguiño

2010-05-01T08:56:00.000-07:00

Xa levamos uns días investigando sobre a localidade onde vivimos. Para cando rematemos este proxecto de traballo teremos localizado Aguiño nos mapas da península do Barbanza e saberemos que é unha máis das parroquias que conforman o concello de Ribeira. Ademáis nos planos situaremos as rúas onde están as nosas casas e tamén onde están os principais edificios de servizos: lonxa, correos, aula de música, casa da cultura, campo de fútbol, igrexa, centro de saúde,... Temos pensado investigar cales son os traballos que ocupan á meirande parte dos homes e mulleres de Aguiño e facerlles entrevistas para que nos conten cómo é o seu oficio. Tamén queremos saber sobre os monumentos de interese, praias, festas, tradicións, lendas, ... que teñen como protagonista Aguiño. Con toda a información que recollamos , se nos da tempo, queríamos facer unha pequena guía turística para que outros nenos e nenas que visitan o noso blogue podan saber un pouquiño máis de Aguiño e se animen a visitalo. A modo de pequeno anticipo aí van as fotos do percorrido que fixemos por Aguiño todos os nenos e nenas de E.Infantil:

Antes de durmir, un conto quero oir

2010-04-24T08:50:00.000-07:00

"Antes de durmir
un conto quero oir,
e para soñar
un conto quero escoitar."

Esta pequena rima que nos aprendeu a profe Uxía foi a que máis repetimos hoxe para celebrar o Dia do Libro. Como todos os 23 de abril, no noso centro conmemoramos este día con diferentes actividades. A biblioteca propúxonos que contestaramos a pregunta "E ti, para que les?" e con todas as respostas fixeron un mural no que tamén se recollían as respostas de persoas coñecidas do mundo do deporte, da política, da literatura,...

pero como a nós os contos que máis nos gustan son os que nos contan antes de durmir, as mestras de E.Infantil propuxéronnos traer o pixama e as zapatillas e recrear ese momento de escoitar un conto antes de ir para a cama, ata fixemos unha cama co seu edredón e a súa almofada!

Como di a canción "non hai cama para tanta xente" así que subimos á biblioteca co noso edredón

e alí nos leron o conto "A tartaruga que quería durmir"

para finalizar este día recibimos un agasallo de parte do Equipo de Innovación en Normalización Lingüística: un autocolante, que tamén se pode usar como marcapáxinas, coas imaxes dos nosos amigos Xandre, Xenia e Xistra.

Visitamos o Cluster de Acuicultura

2010-04-20T06:16:00.000-07:00

Hoxe as mestras de E. Infantil nos levaron ao Cluster de Acuicultura para que puideramos ver como crían aos rodaballos que logo nós comemos nas nosas casas. Vimos moitas piscinas con crías destes peixes e tamén outras cuns rodaballos enormes. Son estas:

Concerto de "Mamá Cabra"

2010-04-18T07:31:00.000-07:00

Este venres asistimos no Auditorio de Ribeira a un concerto do grupo Mamá Cabra. A nós nos gustan moito as súas cancións por iso non deixamos de mover os brazos ao seu ritmo.
Durante unha hora estivemos escoitando cancións moi coñecidas por todos e todas como a do Polo Pepe, o elefante Casimiro, .... ata que sen darnos de conta chegou a hora de marchar de volta para o cole.
Aquí quedan unhas fotos para que vexades qué ben o pasamos.

Visitounos Mario Tomás

2010-04-14T13:13:00.001-07:00

Hoxe tivemos a visita do contacontos Mario Tomás que nos fixo pasar un bo rato escoitando as súas historias coa axuda do "avó pato" e do pequeno teatro de monicreques.
Mirade que ben o pasamos!

Aniversario de Manuel e Andrea

2010-04-13T06:12:00.000-07:00

Hoxe tivemos aniversario por partida doble pois celebramos que Andrea e Manuel xa teñen 6 anos. Como era doble aniversario, tivemos doble ración de biscoito e a verdade é que non saberíamos decir cal estaba mellor pois o certo é que os dous estaban boísimos.

Mirade que contentos cambian a vela para o mural dos/das que xa teñen 6

Despois soplamos as velas e demos boa conta dos dous biscoitos.
Parabéns compañeir@s!

Día do libro infantil

2010-04-13T05:58:00.001-07:00

Cada ano, cando chega o 2 de abril, celebramos o Día do Libro Infantil. Como este ano estabamos de vacacións por esas datas, trasladamos a celebración para o luns 12 de abril. Así , despois do recreo, ás 12, uns rapaces e rapazas de 6º leron un manifesto moio bonito escrito para este día por Eliacer Cansino

Despois os nenos e nenas de 5ºB convertironse nos nosos "padriños e madriñas lectores" e nos contaron varios contos

As rimas dos nosos nomes

2010-04-10T08:52:00.000-07:00

Como sabedes, o mes de marzo conmemorouse o Día da Poesía. Os golfiñ@s somos grandes poetas e poetisas e non quixemos deixar de poñer o noso "poético" graniño de area . Para iso estivemos traballando moito tempo buscando palabras que rimaban, lendo poemas, facendo pequenos pareados,...
O resultado son estes tres libriños de poemas inspirados na obra "Pola rúa dos versos" de Ana Mª Fernández. Esperamos que vos gusten.

As rimas dos nosos nomes

Polas rúas de Aguiño

Un ano en doce rimas

Aniversario de Eva

2010-04-06T06:40:00.000-07:00

Hoxe volvemos ás aulas despois destes días de vacacións nos que a nosa compañeira Eva cumpliu 6 anos. Como non puidemos celebralo no cole antes, tuvemos que deixalo para agora pero non importou nada porque comemos un biscoito e unha bica que fixo a súa nai que estaban para chupa-los dedos.
Como sempre, aí van as fotos:

Saída a Rianxo

2010-03-26T09:06:00.000-07:00

Hoxe fomos de visita a Rianxo, alí puidemos visitar o Museo do Mar e a Aula Activa do Mar e vimos moitos dos aparellos que se usan para pescar, como se fai unha dorna,.. Gustounos moito a visita e iso que por culpa do vento non puidemos realizar a visita polo pobo que tiñamos prevista.
Bueno, supoñemos que esta será unha boa excusa para volver, non si?
Coma sempre, aí van as fotos

Día da poesía

2010-03-24T15:02:00.000-07:00

Chegou a primavera e con el o día da poesía!
Nos xa levabamos todo o mes de marzo a voltas coas rimas: fixemos rimas para os nosos nomes, para os meses do ano, para ir polas rúas de Aguiño... Para todas elas lle fixemos a súa ilustración e con todas xuntas fixemos un libriño que imos levar a ver nas nosas casas para que todos o podan disfrutar.
Ademais disto para celebrar o día da poesía buscamos en libros da biblioteca poesías que nos gustaran moito como as de Ana Mª Fernandez ou as de Xose Mª Blázquez, as fotocopiamos e as colgamos por todo o colexio. Como todos os nenos e nenas do cole se sumaron a esta actividade o noso cole enchéuse de poesía. Mirade que chulo!

Agora a profe Tere di que nestes días de vacacións de Semana Santa podemos buscar poesías que teñamos na casa ou que veñamos buscar coas nosas familias nas tardes de luns a xoves na biblioteca do cole e que as nosas familias nolas lean en calquer sitio: no parque, na cama, na cociña,...e facer fotos para poñer neste blog.
Animadesvos?
Se o facedes tendes que darllas á profe Tere nun lápiz de memoria ou mandarllas ao correo dos golfiñ@s . Esperamos as vosas fotos "poeticas".

Aniversario de Carlota

2010-03-17T09:28:00.000-07:00

Hoxe Carlota celebrou na aula o seu sexto aniversario. Como sempre agasallounos a todos e todas cun riquisimo biscoito que fixo con moito cariño a súa nai.
Parabéns compañeira!

Saída ao parque periurbano de San Roque

2010-03-05T10:28:00.000-08:00

Hoxe as nosas mestras leváronnos ata o parque periurbano de San Roque que, ainda que está moi preto de Aguiño, moitos/as de nós non o coñeciamos. Alí puidemos ver unha reproducción dun castro, do dolmen de Axeitos e do petroglifo da pedra das Cabras, e aprendemos como viviron, debuxaron e morreron os nosos antepasados.
Tamén visitamos o centro de interpretación e alí Sandra nos convidou a visitar dúas exposicións moi interesantes sobre a nosa comarca unha referida ao tempo actual (construccións típicas, flora, fauna,..) e outra dos tempos en que habitaban os castrexos e castrexas.
Por último, dende o mirador e mentres tomabamos o almorzo, as mestras nos dixeron que imaxináramos que ocorriría se a marea subira moito, moito, moito, moitísimo.
Ribeira quedaría asolagada!
Igual que lle ocorreu á cidade que se dí que está asolagada baixo a lagoa de Carregal!
Queredes ver as fotos? Aí van

Aldara cumple 6 anos

2010-02-23T03:44:00.000-08:00

Hoxe celebramos na aula o aniversario de Aldara, Xa ten 6 anos e como sempre comparteu con todos e todas 2 riquísimos biscoitos (é que un a nos non nos chega a nada) que fixo a tía Lola. Estaban para chupar os dedos.
Queredes ver as fotos deste día especial? Aí van

Pasarrúas por Aguiño

2010-02-12T08:10:00.000-08:00

Por fin chegou o día que tanto estabamos esperando e polo que tanto traballamos durante estes últimos días!Hoxe saimos cos nosos traxes de "bolboretinas mariñas" polas rúas de Aguiño. Pero antes de saír tivemos a visitas das "mouras" de 3º de primaria na nosa aula

Tamén algún "ventolin" de 5ºA de primaria se achegou a facernos unha visita

Cando estivemos maquillados e vestidos puxémonos na fila para sair

Para facer moito ruido e acompañarnos estiveron os profes Telmo e Breogán

A profe Cris, que nos axudou a maquillarnos, quixo facer o pasarrúas ao noso lado

e aí estamos polas rúas de Aguiño!

Despois do pasarrúas, volvemos para o cole onde comemos as orellas, filloas, rosquillas,... que trouxeron as nosas familias para celebrar o Entroido.
Agora só queda disfrutar destes días de festa ata que o mércores o noso Felipe sexa queimado en Riveira.
Pasádeo ben golfiñ@s!Vémonos de novo o xoves 18. Bicos

Mira que cara!

2010-02-11T05:03:00.001-08:00

Hoxe xoves o Felipe ordenounos que pintaramos a cara como nos quixeramos, e estes foron os resultados

Imos de perruquería

2010-02-10T07:02:00.000-08:00

Este Felipe ándanos a tolear a cabeza, e nunca mellor dito porque hoxe ocorréuselle que trouxeramos unha perruca posta.
Quen coñecía a estes golfiñ@s cos pelos de cores!
A verdade é que todos e todas, incluida a profe Teresa, estabamos descoñecidos pero moi guapos. Mirade aquí

Vou co meu sombreiro agarrado ao teu ombreiro...

2010-02-09T12:32:00.000-08:00

Hoxe martes, o Felipe ordenou que trouxeramos un sombreiro orixinal e todos e todas viñemos con el.

Despois os nenos e nenas de E. Infantil fixemos un tren e fomos cantando polo colexio "vou co meu sombreiro agarrado ao teu ombreiro" e pasámolo xenial.

Xa tendes preparada a perruca para mañá?

O mandato do luns

2010-02-08T13:38:00.000-08:00

Como ben sabedes o noso Felipe de Riveira trae un mandato para cada día da semana e hoxe ordenou que todos e todas trouxeramos pintado un bigote.
Meu dito, meu feito! aquí estan os bigotudos e bigotudas da aula de 5 anos A

Semana do Entroido

2010-02-08T00:37:00.000-08:00

Xa estamos na semana do Entroido e o noso querido Felipe de Riveira trae os seus mandatos. Así dicen:
o luns traeredes pintado un bigote nas vosas caras
o martes traeredes un sombreiro orixinal
o mércores poñeredes unha perruca na vosa cabeza
o xoves é un día sorpresa e traeredes a cara pintada como queirades

e por fin chegará o venres no que iremos vestidos de bolboretinas mariñas por todo Aguiño no tradicional pasarrúas.Esperámosvos.

Obradoiro de disfraces

2010-02-02T13:41:00.000-08:00

Como todos os anos por estas datas, as mestras de E. Infantil organizamos un obradoiro de disfraces de Entroido no que todas as familias que podan e queran participar na elaboración dos disfraces dos seus fillos e fillas son benvidas.
Neste curso os nenos e nenas de E. Infantil iremos disfrazados de "bolboretinas", que son unhas personaxes fantásticas que din as lendas que viviron nas praias de Aguiño e que naceron cando unha brisa mariña entrou dentro dunha buguina e chegou ata aquelas especies mariñas que tiñan as súas dúas cunchas pegadas. Cando esta corrente chegaba ás ameixas, mexilóns,... separaba as súas cunchas e daba paso a unha bolboreta mariña.
Non hai que decir que a resposta das familias foi, un ano máis, extraordinaria e que nun plis-plas as ás das nosas 64 bolboretinas estiveron recortadas, grampadas e coas súas gomas colocadas. Xa só queda que os nosos nenos e nenas lles dean cor na aula de Artística e agardar a que chegue o venres 12 de febreiro para desfilar no tradicional pasarrúas por Aguiño.
Se queredes ver cómo traballaron as nosas familias botádelle un ollo a esta fotos

Día da candeloria

2010-02-02T13:32:00.000-08:00

Hoxe 2 de febreiro é o día da Candeloria, o día dos namorados e namoradas en Galicia. Segundo a crenza popular neste día casan os paxariños nas árbores e os animais comezan a xuntarse para ter crías na primavera.
Tamén é unha data que se toma de referencia para predecir o tempo e así hai refráns que din "Cando a Candeloria chora, metade do inverno vai fora".
Para conmemorar este día no noso colexio, o equipo de Normalización Lingüística agasallounos cun autocolante no que se pode ver aos paxariños bicándose

e tamén cunha piruleta con forma de corazón coa que saimos a disfrutar deste día no patio

Grazas!!!!!

2010-01-29T00:28:00.000-08:00

Hoxe recibimos un agasallo moi especial. As nais e pais do ANPA, o supermercado Etelvina e a librería de Aguiño trouxéronnos para as aulas de Infantil novos libros de contos en galego. Con estes novos e cos que trouxeron as familias dos que tiñan nas casas, agora xa imos tendo unha boa biblioteca de aula.
Como é de ben nacidos, ser agradecidos, dende aquí queremos decir
GRAZAAAAASSSS!!!!

Investigando cos corpos xeométricos

2010-01-24T09:09:00.000-08:00

Estes días tamén estamos a descubrir novos corpos xeométricos. Xa coñeciamos a esfera e buscamos pola aula obxectos que tiveran esta forma. Había moitisimos: a "bola" do mundo, unha canica, unha pelota, un pompón de lana, unha saltarina, unha laranxa, unha bola de plastilina,...
Agora a profe presentounos o cilindro e tivemos que buscar pola aula obxectos que tiveran esta forma. Cando aparecía algún tiñamos que tirarlle unha foto que despois puxemos na carpeta que temos no ordenador da aula. Vimos que había moitas cousas nas nosas caixas con forma de cilindo: o pegamento, os rotuladores, as ceras,.. tamén no baño había cilindros (o rollo de papel hixiénico),....
Estas foron algunhas das fotos que fixemos:

De novo na aula

2010-01-24T08:04:00.000-08:00

Ola golfiñ@s! Xa estamos de novo na aula! Novo curso e novos proxectos que desenvolver ao longo deste segundo trimestre.
Como xa sabedes, continuamos co proxecto "Nubeiros e nubeiras nas lagoas" pero agora imos investigar a flora que está preto das lagoas. Buscamos imaxes en internet das plantas, árbores e arbustos que aparecen no libro "Pequenos paseos cos pequenos" e con elas montamos este powerpoint que vimos na aula de audiovisuais.

Flora Das Lagoas

View more presentations from teresa.

Dice a profe que ao igual que investigamos sobre os animais que estan preto da lagoa, agora o imos facer coas plantas. Teremos que buscar información de que clases de plantas hai, que comen as plantas, como respiran, como nacen plantas novas,... Seguro que vai ser unha investigación moi interesante e como sempre poderemos levar todo o que atopemos nas casas coas nosas familias nos libros, en internet,...

Vacaciooooooooóns!!!!!!

2009-12-22T07:17:00.000-08:00

Hoxe é o último día de clase por este ano, cando volvamos á aula xa será o 2010! Neste día especial pedimos os nosos desexos ao Apalpador nunha carta que fixemos na aula. Pedimos para todos e todas amor, amizade, paz,....

Despois fomos botar as nosas cartas ao buzón do Apalpador

Fixemos unha foto todos os nenos e nenas de E.Infantil

e fomos comer os doces de Nadal que trouxemos para compartir. Tamén comemos as trufas que fixemos onte, que boas estaban!

Ás doce chegou a hora da "Jusanitada". Todos os nenos e nenas do colexio saimos ao patio cos nosos 12 "jusanitos" e ao ritmo que marcaba o profe Telmo co triángulo, comémolos como se foran as 12 uvas de fin de ano. Despois fomos de festa por todas as aulas, visitando aos nosos irmáns e irmás, aos nosos amigos e amigas doutras aulas,...e así chegounos a hora de marchar para casa pero antes as mestras tamén quixeron facer a súa foto co Apalpador

COS MEUS MELLORES DESEXOS PARA TODOS OS GOLFIÑ@S DE AGUIÑO E AS SUAS FAMILIAS NO ANO 2010.
UN BICO MOI FORTE DE PARTE DA PROFE TERESA.

Obradoiros de Nadal

2009-12-21T06:29:00.001-08:00

Hoxe no cole tivemos unha xornada especial. Como xa traballamos moito durante todo o trimestre, as mestras de E. Infantil prepararon para nós diversos obradoiros polos que fomos pasando ao longo da mañá.
O primeiro que fixemos foi poñernos por grupos misturando nenos e nenas de todas as aulas, así tivemos a oportunidade de relacionarnos cos compañeir@s cos que só podiamos xogar no recreo.
Un dos obradoiros era de cociña; coa axuda das profes Vanesa e Diana elaboramos trufas que comeremos mañá antes da "Jusanitada".

Outro dos obradoiros era de maquillaxe de nadal. As profes Ana e Cris pintaron as nosas caras con abetos, boliñas de nadal,...

Coa nosa profe Teresa, fomos ver unha película moi bonita que conta a historia dun neno e un boneco de neve...

Na aula de artística,a profe Uxía axudounos a decorar unhas caixas de zapatos para que o Apalpador nos deixe unha presiña de castañas o día 31.

Tamén estiveron axudando a profe Loli e Ana a coidadora. Moitas grazas a todas as mestras por facernos pasar unha primeira mañá de inverno tan especial.

O apalpador visita o colexio de Aguiño

2009-12-20T10:02:00.000-08:00

Xa hai moitos dias que descubrimos que antes de que chegara á nosa terra Papá Noel, nós xa tiñamos un personaxe que vivía polo Caurel e que na noite do 31 de decembro viña polas casas a "apalparlle" as barrigas aos nenos e nenas para ver se cearan moito. Se era así O Apalpador deixabache unha presiña de castañas e outros agasallos.

Como vedes o Apalpador leva nos pés zapatillas "rusas", as de cadros de toda a vida. Nós quixemos, nestes días tan fríos, ter os pés quentiños e estar no cole coas nosas "rusas". A ver se vos acorda quen é o dono ou a dona destas

Os mestres e mestras do cole fixeron unha recreación do conto do apalpador. Queredes vela? Aí vai

A profe Ana debuxou a figura do Apalpador e nos fixemos de castañas metendo a cabeza polos furados

Investigando sobre a ra

2009-12-12T14:40:00.001-08:00

Como ben sabedes estamos a investigar sobre os animais que viven nas lagoas de Vixán e Carregal ou moi preto delas. Lendo en libros da nosa biblioteca como "Pequenos paseos cos pequenos", "Pequechos dos ríos e das lagoas", "Os Bolechas descubren a natureza. A lagoa", ... fomos descubrindo que había mamíferos como o ourizo, o esquío, o rato e o coello. Vimos tamén que había moitísimas aves como a garza, o cullerete, o lavanco, o martín peixeiro, a gaivota,...Tamén había réptiles como a lagarta e a cobra de auga. Outro grupo de animais eran os insectos como a limoeira, o lucecú, a libélula,... Mirando nestes libros vimos que sempre aparecían as ras, pero... que tipo de animal é unha ra?, que comen as ras?, como nace unha ra? Como había moitas cousas que non sabiamos delas decidimos investigalas . O primeiro que fixemos foi anotar o que sabiamos das ras, o que queríamos saber, e onde habiamos de buscar a información.

Miramos nos libros da biblioteca de aula e subimos á biblioteca do cole a buscar máis libros, dvd,... que nos falaran destes animais.
A profe Teresa buscou en internet un video cunha canción sobre a ra

Buscamos coas nosas familias información sobre as ras e a compartimos cos nosos compañeiros e compañeiras. Así descubrimos que as ras:
pertencen a un grupo de animais que se chaman anfibios (como o sapo, o tritón,
a píntega,...)
teñen sangue frío,
nacen de ovos,
comen insectos,
teñen as patas traseiras máis longas para poder dar saltos,
teñen os dedos unidos por unha teliña e así poden nadar moi ben,
cando nacen respiran por branquias e cando son adultas fanno por pulmóns
ao nacer parecen peixiños coa cabeza moi grande, logo saenlle as patas, despois
perden a cola
.......

Moita desta información aparece neste video:

Tamén buscamos imaxes de ras en internet e vimos unhas que nos gustaron moito porque tiñan unhas cores moi rechamantes, o que nos non sabiamos era que estas ras son velenosas e que non se poden tocar porque botan o veleno pola pel e así nos pode chegar a nos se logo de tocalas a elas botamos a man á boca ou refregamos un ollo, ou temos unha pequena ferida,... Bueno estas ras viven moi lonxe de nós, as que estan nas nosas lagoas non teñen veleno na súa pel.
Queredes ver cantas ras distintas hai? Aí van algunhas:

Saída ao museo de historia natural

2009-11-24T07:51:00.000-08:00

Hoxe fixemos unha saída ao Museo de Historia Natural que está na Facultade de Químicas da Universidade de Santiago.
Queríamos ver moitos dos animais dos que estamos a investigar e que viven nas lagoas de Vixán e Carregal. Alí Dani explicounos que os animais que había alí estaban "disecados", esto quere decir que morreron e despois eles lles quitaron as tripas e os secaron moito para logo enchelos con algodón e papeis. Puidemos ver coellos, gaivotas, lavancos, esquíos, corvos mariños, garzas,... e ata unha cobra de auga dentro dun bote de cristal cun líquido para que non podrecera.
Despois con Tino saimos ao parque e presentounos a Manu, un magnolio que chegou alí cando só era unha semente e que hoxe estaba de aniversario pois cumplía 75 anos. Tamén xogamos a descubrir aos amigos de Manu, un rododendro, unha tuia,... e aos que había que convidar á festa de aniversario.
queredes ver que ben o pasamos? Aí van as fotos

Día dos dereitos dos nenos e nenas

2009-11-22T04:50:00.001-08:00

O 20 de novembro conmémorase o Día Universal dos nenos e nenas.
Na aula falamos da sorte que temos de ter nacido nunha familia que nos coida dándonos o alimento, vestido e atención médica, que nos leva á escola e non a traballar, que nos puxo un nome ao nacer,... tantas cousas que parecen do máis normal e que aínda que pareza mentira hai moitos nenos e nenas no mundo que non teñen.
Hai moitos anos que os homes e mulleres que mandan no mundo deciciron facer un decálogo no que se recollan os nosos dereitos, pero algúns aínda parece que non se enteraron de que o había e de que o tiñan que cumplir.
Aínda que nas nosas familias se respectan os nosos dereitos, fixemos un pequeno libriño onde se recollen estes 10 dereitos para levar para casa e comentar o que alí se dice.
Para que non queden dúbidas, aquí vai un video

Queremos aprender galego!

2009-11-13T03:02:00.003-08:00

Ola, somos Uxía e Breixo!

Chegamos o curso pasado ao colexio e este ano QUEREMOS APRENDER GALEGO! paseando por Aguiño. Por iso iremos ás vosas casas e pasaremos alí uns días para que xoguedes con nós e nos aprendades esa língua tan fermosa na que falades. Levaremos un caderno onde anotaredes as palabras que nos ides aprendendo fixándovos moito de que non nolas ensinaran outros nenos e nenas antes para non repetilas. Podedes pegar imaxes desas palabras, debuxalas, tirar fotos xogando con nós e pegalas,... Estaremos nas vosas casas de luns a venres e a fin de semana durmiremos no cole.
Esperamos aprender moito e pasalo moi ben con vós.
Bicos para todos e todas de Uxía e Breixo.

Magosto 2009

2009-11-05T14:21:00.000-08:00

Hoxe celebramos no noso colexio o magosto con moitas actividades nas que o pasamos moi ben antes de que chegar a hora de ir xunto á castañeira a coller as castañas quentiñas.
Ata a hora do recreo fomos pasando polos diferentes obradoiros:

Maquillaxe de outono

Ceo de outono: arte con esponxas.

Hora do conto: "A castañeira"

Fixemos actividades de outono no encerado dixital

Se queredes seguir disfrutando destas actividades na casa

só tendes que facer "clic" enriba deste enlace

Circuito de outono no ximnasio

Despois do recreo, fomos ata onde estaba a castañeira a polas castañas

e fixemos unha foto coas nais do Anpa, que colaboraron no magosto repartindo refrescos para todos e todas

Como empezou a chover, tivemos que ir comer as castañas á nosa aula

Xusto cando estabamos acabando, escoitamos o son dun acordeón e saímos a ver de onde proviña. Quen pensades que era o que tocaba? Pois o profe Telmo, e ao son do acordeón todos e todas empezamos a bailar:

Sen darnos de conta, chegou a hora de marchar para as nosas casas e xa só nos queda esperar polo Magosto do próximo ano.

Saída á lagoa de Xuño

2009-11-04T07:22:00.000-08:00

A verdade é que co que choveu onte pola noite non tiñamos moi seguro de poder ir visitar a lagoa de Xuño pero ao final o tempo dou un respiro e sobre as 10 e media da mañá o autobús recolleunos para ir visitar esta lagoa que está no veciño concello de Porto do Son.
Para tal ocasión estrenamos as viseiras novas que levan impresa unha frase moi típica en Aguiño: "e lo!"

Baixamos do autobús e nos botamos a andar por un camiño de terra

ao pouco apareceu a lagoa ante os nosos ollos

De camiño fomos mirando piñeiros, toxos, e ata cogomelos...

Xunto á lagoa hai unha casetiña de madeira no que a xente se mete para observar os paxaros, os parrulos,...

Pero antes de subir por aquela escaleira hai que coller forzas:

Agora sí que podemos observar os animais que viven na lagoa coa axuda duns prismáticos

Gustounos moito esta saída pero seguro que non tanto como cando vaiamos á nosa lagoa de Vixán.

Lagoa de Vixán

2009-10-30T04:56:00.000-07:00

Como xa sabedes, estamos a investigar sobre as lagoas e todo o que as rodea: animais que viven nela, arbustos e prantas que hai ao seu arredor, lendas que se conta que sucederon nelas, personaxes fantásticos que se dí que viviron na profundidade das súas augas...
Temos pensado facer saídas para coñecer as lagoas que hai no noso concello e outras que hai na comarca do Barbanza. Se o tempo non o impide, o vindeiro mércores iremos a visitar unha lagoa que hai en Xuño (Porto do Son) e máis adiante iremos á lagoa de Vixán que aínda que está aí ao lado en Carreira, hai moitos nenos e nenas que nunca a visitaron. Para que vos fagades unha idea, aí vai un video:

Samaín 2009

2009-10-30T04:55:00.001-07:00

Hoxe celebramos no cole a festa do Samaín e como todos os anos visitamos a exposición de cabazas que fixemos nas casas axudados polas nosas familias. Pero ademáis tivemos a visita de dous seres moi especiais: a bruxa do Halloween e o cabezón do Samaín.

Despois do recreo fomos visitar a exposicíón coas cabazas acesas. Mirade que "chulas"

Golfiños na proa

2009-10-23T03:50:00.000-07:00

Hoxe fixemos a primeira das saídas educativas deste curso. Achegámonos ao porto de Ribeira para subir a bordo do "Nieves" e disfrutar da exposición "Golfiños na proa".
Alí baixamos á bodega do barco e a monitora explicounos unha chea de cousas sobre os golfiños: o que comen, como é o seu corpo,.... Moitas xa as sabiamos porque cando estabamos en 4 anos xa investigamos sobre estes animais, pero gustounos moito ver os cráneos, dentes, vértebras,... e ata un feto de golfiño que non puido chegar a nacer porque a nai morreu de comer tanto plástico que a xente tira ao mar....
Queredes ver as fotos? Aí van:

Nubeiros e nubeiras na lagoa

2009-10-20T13:21:00.000-07:00

Estes días comezamos un novo proxecto nas aulas de E.Infantil que leva por título "Nubeiros e nubeiras na lagoa".
Ao longo deste trimestre imos investigar sobre as lagoas en diversos aspectos: características, flora, fauna, criaturas fantásticas que viven nela, lendas en torno a elas,....
Na primeira fase do proxecto investigamos nas nosas casas os lugares onde hai auga tanto dentro como fora dela e na aula fixemos unha lista con eles. Despois buscamos en internet imaxes e as gardamos nunha carpeta no ordenador.
Queredes velas? Aí van:

Parabéns Alex!

2009-10-20T06:25:00.000-07:00

Hoxe celebramos na aula o 5º aniversario de Alex. Como ben sabedes este ano tentamos celebralos sempre en martes para no repetir no calendario de almorzos un grupo de alimentos e que quede outro sen tomar. Isto fai que ás veces os teñamos que celebrar con algúns días de retraso pero o que importa é que ao final chega o día no que cambiamos a vela de mural, sopramos as velas e compartimos o biscoito.
Aí van as fotos deste día especial!

Que froita trouxemos hoxe?

2009-10-15T06:57:00.000-07:00

Como todos os xoves, as froitas foron o grupo de alimentos que tomamos antes de saír ao patio a xogar.
A profe propuxonos que rexistraramos que froita traía cada un de nós pero dun xeito distinto ao que o viñamos facendo ata agora (en forma de listado). Tratábase de completar un cadro de dobre entrada no que estaban o nome das froitas que trouxemos e o nome de todos os nenos e nenas da aula, poñendo un gomet no cadro que correspondera.
A verdade é que ao principio a algún de nós se nos fixo algo complicado porque non eramos quen de seguir dereita a línea onde estaba o nome do neno/a , e así ás veces había alguén que parecía que tomara dúas froitas e outro/a parecía que non tomara ningunha. Pero ao pouco todos e todas fomos quen de facelo ben.

Despois contamos cantos gomets había en cada columna e así vimos que o plátano era a froita que máis se repetía (7 veces), seguido pola mandarina (4 veces), e resulta que hoxe ninguén trouxo mazá.

Pero o mellor estaba por chegar! Resulta que hoxe era o santo da profe Teresa e sorprendeunos cun postre feito con froita: empanada de mazá!
Agora sí que é certo o que decía a adiviña que aprendemos o outro día na clase:
Somos verdes e amarelas
tamén somos "coloradas"
é famosa a nosa tarta
e tamén podes comernos
sen que esteamos cociñadas.

Mirade que boa pinta tiña e como desfrutamos coméndoa.

Aniversario de Bea

2009-10-13T04:25:00.000-07:00

Hoxe celebramos na aula o 5º aniversario de Bea.
A verdade é que xa o iamos celebrar a semana pasada pero a nosa compañeira estivo enferma e houbo que deixalo para hoxe. Como sempre, trouxo un riquísimo biscoito, que fixo a avoa Pepita, e que aínda que era ben grande non deixamos nin unha migalla.
Parabéns compañeira!

Pesamos froitas

2009-10-08T13:08:00.000-07:00

Hoxe a profe Teresa propúxonos que pesaramos os nosos almorzos. Como é xoves, hoxe tocaba traer froita e fixemos unha lista coas diferentes froitas que tiñamos.
Algúns traemos a froita pelada e troceada nun "tupper" pero moitos traémola enteira.
A froita que máis se repetiu foi o plátano e decicimos pesalos e anotar os diferentes pesos no encerado

O plátano de Alex pesaba 136

O plátano de Aldara pesaba 107

O plátano de Alejandra pesaba 157

O plátano de Celso pesaba 98

O plátano de Alejandro pesaba 104

Agora había que decidir cal era o que pesaba máis e para iso houbo que discutir moito porque cada un de nós decía o que lle parecía pero a profe dixo que para iso os pesabamos.

O número que saía na báscula ao principio non nos decía moito, pero despois aprendimos que un número é máis grande que outro se ten máis cifras. Así pois o plátano de Celso era o máis pequeno porque tiña 2 cifras e todos os outros tiñan 3.

Pero... e dos outros 4, cal era o que pesaba máis? A profe explicounos que había que mirarlle o primeiro número e ver cal era máis grande, pero todos comenzaban polo 1, que facer entón? pois mirarlle o número seguinte!

Aí foi cando vimos que o plátano de Alejandra tiña un 5 despois do 1 e que non había ningún número máis grande que ese. Estaba claro pois quen o plátano de Alejandra era o que máis pesaba de todos.

Agora só faltaba comelos porque de tanto mirar para eles xa tiñamos unha fame.....

Facemos zume de laranxa

2009-10-01T06:18:00.000-07:00

Como todos os xoves, hoxe fixemos na aula unha receita con froitas.
Esta foi moi fácil pois non necesitaba de ningún aparello eléctrico: zume de laranxa.
Para facelo o primeiro que hai que facer é cortar as laranxas pola metade:

Despois exprememos as laranxas. Que forza hai que facer!

Botamos o zume exprimido nos vasos

Agora só queda probalo. Que rico! Ata Carlota lambe o bico!

Pois nós tamén queremos beber!

Xa sabedes, hai que tomar moito zume de laranxa que ten moita vitamina C.

Hoxe... batido de fresa

2009-09-24T06:59:00.000-07:00

Seguimos traballando os hábitos de alimentación saudables e por iso hoxe fixemos na aula outra receita de cociña: batido de fresa.
Como a semana pasada, primeiro fixemos unha lista no encerado cos ingredientes

Despois discutimos entre todos o modo de facelo: algún decía que había que botar as fresas enteiras, outro que as había que cortar, que si se lle botaba primeiro o leite ou despois, que para que era o azucre,...

Ao final, concluimos que, para facer un bo batido de fresa había que:
1º- lavar as fresas e cortalas en anacos
2º- botalas nun recipiente e engadirlle leite e azucre
3º- pasalo todo pola batidora

Nin que decir ten que estaba moito máis rico que os que se compran no supermercado e que é moito máis sano pois non leva nin conservantes nin colorantes.
Así que, xa sabedes familias: a preparar moitos batidos de froitas para os golfiñ@s! Agora non tendes excusa que eles e elas xa saben a receita.

E a próxima semana, que faremos? Aceptamos suxestións no noso correo electrónico:
golfinho.golfinho@yahoo.es

Aniversario de Alejandra

2009-09-22T04:38:00.000-07:00

Hoxe celebramos na aula o 5º aniversario de Alejandra. Igual que pasou con Sheila, a verdade é que xa hai uns días que cumprira anos pero non tiveramos oportunidade de celebralo antes.
A súa familia trouxo para compartir con todos e todas un doce típico da nosa zona : o carrapito.
Mirade que boa pinta ten! Como podedes imaxinar non quedou nadiña para mañá.
Parabéns Alejandra!

Almorzos saudables

2009-09-17T07:35:00.000-07:00

Estes días andamos a traballar cun conto que se títula "Unha eiruga moi larpeira". A profe di que non podemos comer moitas larpeiradas senón queremos ter dor de barriga como a eiruga e que debemos comer todos os días froita e verdura. Nós, á hora do almorzo antes de sair ao recreo, xa facemos "almorzos saudables" pois cada día da semana tomamos alimentos dun grupo distinto segundo o que di o seguinte calendario:

Como hoxe era o día da froita, a profe propuxo facer unha receita con moita froita e que non houbera que usar ningún aparato eléctrico: "macedonia de froitas".
No encerado fixemos unha lista cos ingredientes que habiamos de utilizar:

Despois explicamos o modo de facelo: pelar a froita e cortala en anacos:

e, por último, a comeeeeeeer!

Parabéns Sheila

2009-09-15T13:17:00.000-07:00

Hoxe celebramos na aula o aniversario de Sheila. A verdade é que xa cumpriu anos durante as vacacións de verán pero non quería por iso de deixar de celebralo cos seus compañeiros e compañeiras. Sobra decir que o biscoito estaba riquísimo pero coa calor que ía a cobertura de chocolate derretíase nas nosas mans e nos deixaba algo pegañentos. Para outra vez vai ser mellor que non leve nada por enriba, total a nós xa nos gusta así sen nada.

Aí vai a foto na que Sheila sopra as velas do seu 5º aniversario. Parabéns!

Novo curso, novas mestras, nova compañeira,...

2009-09-10T13:44:00.000-07:00

Ola golfiñ@s!Como temos tan bo tempo pensabamos que as vacacións non ían acabar pero ... hoxe todos e todas volvemos a atoparnos na nosa aula.
Canto medrastes! De feito a algún case me costou traballo recoñecelo!
Pasamos unha mañá moi entretenida coñecendo ás novas mestras que nos han de dar clase de E. Física (Alicia) e Artística (Ana), xogando no patio,... e ata chegou unha nova compañeira que estaba na EEI de A Capela que se chama María e que de seguro vai estar moi contenta de pertencer aos "golfiñ@s de Aguiño".
A moitos nos costou levantarnos esta mañá pero en poucos días imos estar de novo en forma para xogar, traballar, divertirnos,... Deséxovos a todos e todas un bo curso na aula de 5 anos A.
Por certo, o vindeiro martes 15, ás 17h. haberá reunión de pais/nais na aula. Espérovos.
Bicos da profe Tere.

ola golfiñ@s!

2009-06-30T03:22:00.000-07:00

Ola golfiñ@s! que tal estades? xa levades uns dias de vacacións e eu estou ainda estudiando en Santander para aprender moitas cousas que ensinarvos o próximo curso. Espero que pasedes un bo verán, que xoguedes moito, que vaiades á praia, ás festas de Aguiño,... e que nos vexamos en setembro.
Bo verán para todos e todas

Aniversarios de Ainhoa (4 anos B) e Artai

2009-06-20T09:42:00.000-07:00

Hoxe venres 19 de xuño é un día especial no noso colexio porque acaban as clases por este curso. O luns iremos buscar os boletíns onde se informa ás nosas familias dos progresos que fixemos ao longo deste curso. Que nervios! Mira que se levamos mala nota en plastilina! non cremos que ocorra isto pois traballamos moito durante todos estes meses.
E claro sendo o último día de clase o normal era que fixeramos unha pequena festa na aula, pero é que ademáis celebramos xuntos dous aniversarios cuns días de adianto: o de Ainhoa da clase da profe Uxía, e o do noso compañeiro Artai. As súas familias trouseron uns biscoitos riquísimos que quixemos compartir cos nosos veciños os nenos e nenas de 1º de primaria. Que ben lles soubo!
Despois de ter festexado estes aniversarios fomos ao ximnasio onde os nenos e nenas da clase de 4ºB da profe Manola representaron unha obra que leva por título "Salvar o mar" e que nos encantou.
De verdade que este foi un bó fin de curso

Rumbo a Sálvora

2009-06-14T14:32:00.000-07:00

Despois de ter que apraza-la nosa saida a Sálvora polo mal tempo, por fin chegou o día en que visitamos a illa da que tanto temos investigado nas últimas semanas.
Despois dunha viaxe de algo máis de 30 minutos en barco, chegamos á illa e alí puidemos visitar a aldea, ver o lavadoiro, a fonte de Santa Catalina, a vexetación da illa, os animais que alí viven,... e ata tomamos o almorzo na praia do almacén mirando para a Serea dos Mariño!
Foi unha experiencia que tardaremos moito en olvidar e que desexamos repetir algún día. Para que morrades de envexa, aí van algunhas das fotos que fixemos:

Cando hai unha emerxencia no mar ....

2009-06-14T06:12:00.000-07:00

Este ano estivemos a traballar sobre sereas, illas, especies mariñas,... e sempre viamos o mar en calma pero ás veces o mar é moi perigoso. Isto tamén o sabemos porque investigamos sobre o naufraxio do vapor "Santa Isabel" e a valentía das heroinas de Sálvora.
Se este suceso tivera ocorrido nos nosos días se cadra non morría tanta xente porque agora hai homes e mulleres que se adican a rescatar a aquelas persoas que estean en perigo no mar. Para falarnos deste traballo viu ao noso cole o pai de Iago (da clase de 4 anos B) que é rescatador nunha base que teñen en Viveiro (Lugo).
Contounos en que consistía o seu traballo e amosounos moitas das cousas que usa: bengalas, botes de fume, arneses, aletas,.... e tamén nos enseñou fotos do helicóptero no que se desprazan para facer os rescates no mar (Pesca 2). Aprendemos moitas das sinais que usan para indicarlle o piloto se o ten que subir, baixar ou parar e imitamos o ruido do helicoptero cando despega.
Gústanos moito cando alguén da nosa familia ven ao colexio para enseñarnos todo o que sabe do seu traballo. Esperamos que para o vindeiro curso teñamos moitas visitas como a de Rubén Lijó. Gracias!

Roteiro por Aguiño

2009-06-03T14:26:00.000-07:00

Como ben sabedes, levamos uns días investigando sobre as sereas e a illa de Sálvora e as mestras do noso cole propuxeron facer un roteiro por Aguiño dende o que se puidera ver a nosa illa.
Por iso este martes collemos as nosas mochilas e fomos en autobús ata o miradoiro de Couso, dende alí xa podíamos divisar a illa de Sálvora! ainda que non todo o ben que nos quixeramos por mor da néboa. Collemos o camiño que nos levou á pasarela de madeira e sen apartarnos del fomos dar ao río de Pinisqueira. Aquí as mestras nos contaron que cando as nosas avoas eran nenas tiñan que vir lavar a roupa porque non había lavadoras nas casas. Que traballos pasaban carrexando a roupa en tinas enriba das súas cabezas! Só de pensalo xa nos entrou unha debilidade no corpo que tivemos que solucionar comendo unhas galletas.
Despois de coller forzas, seguimos o roteiro ata chegar ás fabricas onde traballan algunhas das nosas nais, miramos as pedras que alí hai e que teñen formas e fomos xogar á praia de Area Basta.
Pasamolo de marabilla e aínda o imos pasar mellor o vindeiro día 10 de xuño no que iremos en barco... a Sálvora !

Correlingua 2009

2009-05-13T09:04:00.000-07:00

O ano pasado non fomos, pero este ano non nolo iamos perder por nada do mundo, e mira que a chuvia case da ao traste con todo!
Nada mais chegar á aula puxémonos as camisetas que nos regalou a organización do Correlingua ( as viseiras que nos deu o Concello da Pobra deixámolas porque ben viamos que non as iamos necesitar).As mestras levaban un mandil no que se lía "Eu fago sopa de letras galegas" e todos e todas coas nosas pañoletas ao pescozo nas que se lía o nome de Aguiño, saimos cara á gran festa da lingua galega.

Cando chegamos á Pobra fomos desfilando coas nosas pancartas "mariñeiras"

O resto dos nenos e nenas do colexio tamén fixeron pancartas. Esta é a do 2º ciclo de E. Primaria

Collemos un sitio ben bo para ver todas as actuacións: primeira fila!

Que sorpresa levamos cando vimos de novo aos nosos amigos o Capitán Benito e a Grumeta Quilla! Pero sen dúbida o que máis nos gustou foi a obra de teatro

Pasámolo tan ben que xa temos gans de que chegue o Correlingua 2010!!!

Aniversario de Celso

2009-04-29T14:58:00.000-07:00

Hoxe é 27 de abril e celebramos na aula o aniversario de Celso. Coma sempre disfrutamos dun riquísimo biscoito, feito pola súa nai, despois de ter cambiado a vela para o mural dos que xa teñen 5 anos, soprado as velas, cantado os parabéns,....
Aí van as fotos que quedarán de recordo deste día especial

Teatro na aula

2009-04-25T05:11:00.000-07:00

Hoxe os nenos e nenas de 3º de EP viñeron á nosa aula e representaron para os nenos e nenas de 4 anos A e B, unha obriña de teatro. Gustounos moito ver como algúns dos nosos irmáns e irmás facían esta actuación para nós.
Volvede cando queirades!

Video-conferencia cos golfiños

2009-04-25T04:43:00.001-07:00

Como ben sabedes, hai uns meses estivemos investigando sobre os golfiños. Naquel proxecto descubrimos moitas cousas sobre a anatomía, a reprodución, o comportamento,... dos golfiños pero o que non sabiamos era que as mestras de E. Infantil tíñannos reservada unha sorpresa.
As nosas mestras puxéranse en contacto co "Loro Parque" de Tenerife e concertaran unha video-conferencia cos golfiños que alí están. Como había moitos nenos e nenas que tamén querían contactar cos golfiños, tivemos que esperar a que houbera un día dispoñible e ese día chegou este venres. Ás 11 da mañá (as 10 en Canarias) subimos á aula de audiovisuais e alí establecimos contacto por internet co Loro Parque. Ao mesmo tempo que nós tamén estaban en contacto outros coles de Asturias e Madrid, pero cando saudaron ao Ceip de Aguiño todos e todas aplaudimos.
A profe Iria ía facendo as preguntas escribindoas no ordenador e a monitora do Loro Parque as contestaba mentras viamos imaxes dos golfiños que se estaban a preparar para o espectáculo que ofrecen todos os días. Aínda que ás veces se paraba a imaxe e o son podía ser mellor a verdade é que foi unha experiencia moi interesante.

En abril, libros mil

2009-04-23T07:38:00.000-07:00

Hoxe é 23 de abril e para conmemora-lo Día do libro na nosa aula realizamos distintas actividades. A primeira foi ir á aula dos nenos e nenas de 5º da profe Rosa e asistir a un recitado de poesía medieval. Os nenos caracterizáronse como músicos, as nenas como soldadeiras e ata estaba alí o poeta Mendiño!

Despois tivemos na aula unha contacontos especial,a nai de Alejandra veu para nos ler o conto preferido da nosa compañeira: "O rei León"

E tamén nós quixemos traer da casa os nosos libros favoritos para contarllos aos nosos compañeiros e compañeiras. Aínda non nos deu tempo a contar os contos a todos os que os trouxemos pero mañá seguiremos. Hoxe fixérono Sheila e Celso:

Tamén nos quedaron por facer os marcapáxinas cos nosos nomes, pero en calquer momento nos poñemos mans á obra para poder usalos cos nosos libros favoritos.

Parabéns Andrea

2009-04-14T12:55:00.000-07:00

Despois de ver como cumplían 5 anos os seus compañeiros e compañeiras Eva, Aldara, Carlota e Manuel, por fin lle chegou o turno á nosa seguidora pola rede máis fiel pois non hai día que non nos visite cando menos unha vez e nos escriba algún comentario.
Hoxe Andrea celebraba no cole o seu aniversario e como sabe que somos moi larpeiros trouxo un biscoito enorme que, ainda que lle demos un bo repaso, non fomos quen de acabar con el. Non hai problema, mañá será outro día e de seguro que non queda nin unha faragulla.
Como sempre, fixemos unhas fotos para que nos quede un recordo deste día especial. Aí van:

Aniversario de Manuel

2009-04-08T08:29:00.000-07:00

Hoxe é venres 3 de abril e estamos todos e todas moi content@s porque ademáis de dar as vacacións de Semana Santa, celebramos cuns días de adianto o 5º aniversario de Manuel.
Como sempre que temos un compañeiro ou compañeira que cumpre anos cambiamos a vela de mural, sopramos as velas, cantamos "Parabéns para ti" e comemos o biscoito. Pero hoxe tiñamos o día alegre porque daban as vacacións e ata bailamos a ritmo de cha,cha,cha.
Queredes ver que ben o pasamos?

Saída á granxa-escola de Serantellos

2009-03-31T13:47:00.000-07:00

Por fin chegou o día! Levabamos semanas contando no calendario do mes de marzo cantos días faltaban para ir á granxa e, no último día deste mes, fomos a Cambados para pasar un día na granxa-escola de Serantellos.
Ás 9 estabamos todos e todas preparados coas nosas mochilas, esperando que a profe Teresa nos dixera que podiamos subir ao autobús

Despois dunha hora de viaxe, chegamos á granxa e alí os monitores e a monitora nos caracterizaron como gatiños, porquiños, vacas ou parruliños para facer catro grupos e poder ir rotando polos catro obradoiros que había na granxa:

Antes de ir aos obradoiros aprendemos a canción "Tengo una vaca lechera" e a cantamos facendo con xestos as accións da canción: muxir a vaca, matar moscas co rabo,...

O primeiro obradoiro ao que fomos foi a horta ecoloxica

Despois fomos a coñecer aos animais da granxa que estaban nas cortes:

Fixemos despois un pequeno descanso para comer unhas galletas e xogamos no parque:

Despois fomos amasar o pan que, despois de cocer no forno levamos para as nosas casas.

E así chegounos a hora de ir comer. O menú tiña arroz con carne, salchichas con patacas fritidas e iogur. ¡Estaba todo riquísimo!
Antes de volver aos obradoiros descansamos un pouquiño e algunhas case quedan a durmir na herba!

Tras este descanso volvemos aos obradoiros e cando acabamos de pasar por eles tomamos a merenda ¡pan con chocolate! nas escaleiras do colexio que está ao lado da granxa. Alí fixemos esta foto de despedida

Nin que decir ten que de volta a casa moitos e moitas quedaron a durmir no autobús.
Esperamos que as mestras nos leven moitas veces a saídas como estas porque a verdade é que nos portamos xenial e que aprendemos moitas cousas mentres o pasabamos fenomenal.

Aniversario de Eva

2009-03-27T10:24:00.000-07:00

Hoxe Eva celebrou na aula o seu 5º aniversario e coma sempre cambiou a vela para o mural dos e das que xa teñen 5 anos, soprou as candeas, repartiu o biscoito adornado con corazóns,... pero é que ademáis tivo unha sorpresa coa que non contaba nin a profe Teresa.
Resulta que Eva quería compartir coa súa irmá Aida, que está en 2º de Primaria, un anaco de biscoito. Cando llo foron decir ao profe de Aida, o profe Manolo, dixo que el tamén quería biscoito pero Eva non llo quería dar .Foi entón que o profe Manolo lle dixo que se llo daba lle facía trucos de maxia. Meu dito, meu feito!, o profe Manolo deixounos a todos e todas coa boca aberta cando fixo aparecer e desaparecer da súa man un pano vermello, ou cando cambiou a cor das moedas con só soprar sobre elas.
Da sesión de maxia non temos fotos porque a profe quedou tan sorprendida cos trucos que nin lle acordou de quitar fotos, e iso que tiña a cámara na man!, pero do biscoito e do ben que nos soubo aí van estas fotiños:

Cando a profe trouxo a Luna á nosa aula

2009-03-27T08:32:00.000-07:00

Estes días andamos a investigar os animais da granxa. Coma sempre fomos á biblioteca a buscar libros que falaran de como eran, vivían, se reproducían,... os coellos, porcos, galiñas, ovellas, vacas,.... todos eses animais que imos ver na saída que faremos o vindeiro martes 31 á granxa-escola de Serantellos.
Como moitos e moitas de nós temos algún animal deses na nosa casa ou na casa dos nosos avós e avoas, está sendo unha investigación moi interesante pois nós mesmos somos quen de aportar información aos nosos compañeiros e compañeiras.
Isto é o que lle pasa á nosa profe Teresa pois a súa filla Noa ten como mascota un coello enano, por iso a profe non dubidou en pedirlle a Noa que llo deixara traer á nosa aula para que todos e todas puideramos observalo.
E así foi, a profe trouxonos a Luna que é un coello enano femia de cor marrón. Todos e todas puidemos collelo no colo, darlle de comer, acariñalo,... mirade que feitiña é

Un día de conto....

2009-03-24T08:04:00.000-07:00

Hoxe foi un día especial pois viñeron ao noso cole un rapaz e unha rapaza da Editorial Kalandraka para ofrecernos unha sesión de contacontos. Gustounos moito porque ademáis de contar o conto tamén cantamos, escoitamos música,.....
De seguro que con actividades como estas hoxe non vemos a hora de chegar a casa e ler o conto da biblio que levamos hoxe en préstamo.

Investigamos os polbos cos nenos e nenas da clase da profe Uxía

2009-03-10T16:01:00.000-07:00

Como xa sabedes nas aulas de E.infantil estamos investigando sobre diferentes especies mariñas. Na nosa aula xa levamos aprendido moito sobre as estrelas de mar e hoxe os compañeiros e compañeiras de nivel quixeron compartir con nós a súa investigación sobre os polbos. Puidemos mirar un polbo e ver cantos raxos tiña, onde estaban os seus tres corazóns, como cambiaban de cor para camuflarse cando o polbo se volveu da cor do mandilón da profe Uxía,.... Miramos todo con lupa para non perder detalle.
Gracias compañeir@s por compartir as vosas experiencias con nós!

Parabéns Carlota

2009-03-10T15:54:00.001-07:00

Hoxe Carlota está de aniversario e, como facemos sempre que alguén cumpre anos, na aula foi un día especial. Cantámoslle os parabéns, cambio a súa veliña do mural de 4 anos para os que xa teñen 5, soprou as velas no biscoito....
A súa nai estaba toda preocupada por se o biscoito non lle quedara rico pero como podedes comprobar nas fotos comémolo todo sen deixar ningunha faragulla

.

8 de marzo: Día da muller traballadora

2009-03-08T09:08:00.000-07:00

(Autocolante entregado polo Equipo de Normalización Lingüística a todo o alumnado do Ceip de Aguiño)

Onte conmemorouse o Día internacional da muller traballadora e por iso hoxe na nosa aula estivemos a falar das cousas que fan as mulleres, dos traballos nos que se ocupan, das cousas que parece que só teñen que facer elas como se os homes non as souperan facer,...
Como todos os luns, miramos os xornais e vimos que había noticias sobre este tema. Estivemos lendo algunha delas, como a de que as mulleres chegan ao mundo dos comics e que xa hai superheroinas, e desois a profe Teresa contounos que hai moito tempo as mulleres só podían traballar facendo as tarefas das casas ou de profesoras, enfermeiras, e pouco máis. Ás mulleres non as deixaban ser conductoras de autobuses, traballar nunha mina, ser capitán nun barco,... non porque non foran quen de facer ese traballo senón só porque eran mulleres. Agora as cousas están cambiando e cada vez hai máis mulleres que son xefas, directoras,.... aínda que ás veces lle paguen menos cartos que aos homes polo seu traballo.
Na aula anotamos nun cadro rexistro algunhas das tarefas da casa e marcamos quen as facía e vimos que, ainda que case todos estes traballos os fan as nais, avoas ou mulleres contratadas,tamén os homes cada vez fan máis cousas na casa porque entenden que os traballos da casa son para todos os que viven na casa e non só para as mulleres. De feito un dos recantos preferidos da nosa aula é a casiña e alí tanto os nenos como as nenas mudan cueiros, lavan a louza, pasan o ferro, dan o teteiro aos bebés,... agora só queda que tamén o fagan nas súas casas.

Na aula de audiovisuais vimos este video sobre coeducación "Un soño imposible?"

Ás veces as redes traen sorpresas....

2009-02-27T07:55:00.000-08:00

Ás veces as redes traen sorpresas. O outro día estaba no barco o tío de Bea e pescando, no medio das redes, apareceron unhas estreliñas de mar. Sen dubidalo colléunas e púxoas en auga salgada e logo llas dou a Bea para que as trouxera para a escola porque sabía que andabamos a investigar sobre elas.
As familias tamén poden ser unha fonte de información e gracias a elas soubemos que o nome polo que se coñece en Aguiño a estes animais é "tallantes".
O primeiro que fixemos foi tocalas e a verdade é que algúns lle tiñamos un pouco de medo porque aprenderamos hai uns días que as estrelas botan o estómago pola boca para comer e como o medo é libre....

Tocando as estrelas tivemos moito coidado de non picarnos coas súas púas

Para ver mellor os pés ambulacrais cos que se poden desplazar, axúdamonos cunha lupa

Como bos investigadores e investigadoras quixemos saber canto pesa unha estrela de mar e por iso collemos a pesa e despois anotámo-lo peso nunha ficha-rexistro

Unha das estrelas tiña 5 brazos, que é o máis frecuente, ainda que nos xa vimos en internet que hai estrelas de ata 18 brazos

pero á outra estrela faltáballe un. Nos xa sabemos que as estrelas de mar lles crece o brazo de novo e que por iso ás veces os brazos son de diferente lonxitude. Tamén sabemos que ese brazo perdido pode convertirse nunha estrela completa. Limos nun libro que isto se chama "rexeneración"

Agora só falta levar de novo as estrelas para o mar porque a ninguén lle gusta que o saquen da súa casiña.

O mar invade as rúas de Aguiño

2009-02-20T06:54:00.000-08:00

Por fin chegou o día, despois dunha semana chea de mandatos do "Felipe" pudemos poñer os nosos disfraces de "polbiños da ría" e desfilar polas rúas de Aguiño. Todos os nenos e nenas do cole levaron disfraces relacionados co mar. Houbo polbiños, percebes, atadoras, percebeiros, estrelas de mar, peixiños, augamares, fondos mariños e ata piratas!

Cando chegamos ao cole puxemos os nosos disfraces e como aínda non era hora de salir aproveitamos o tempo facendo unha carauta de golfiño

Cando nos avisaron, fixemos unha fila e nos dispuxemos a marchar polas rúas de Aguiño

De volta no cole pudemos comer os doces de Entroido que fixeron as nosas familias

Agora só queda difrutar destes días de vacacións de Entroido e o xoves 26 (despois de que pasen todos os "mercantiles" como dice Manuel) volvemonos a ver no cole. Pasádeo moi ben e ¡ollo cos cocidos e as filloas!

De quen son estes calcetíns?

2009-02-19T03:50:00.000-08:00

Hoxe xoves o mandato do "Felipe" decía que tiñamos que traer cada calcetín dunha cor ou debuxo distinto e ademáis por fora do pantalón.
Sodes quen de emparellar cada par de calcetíns co seu dono/a?

O mércores ao revés

2009-02-18T09:10:00.000-08:00

Este foi o mandato do "Felipe" para hoxe mércores: tiñamos que traer a roupa do revés. Houbo algúns, como a profe Tere, que non se atreveron máis que a traer a chaqueta coas costuras e etiquetas ao aire, pero outr@s máis atrevidos trouxeron pantalón, xersei, chaqueta,...

Cando fomos para poñer o mandilón, tamén o puxeron do revés e todo o día estiveron a traballar así. (Co traballiño que lle costou a algún diferenciar o dereito do revés, vai o Felipe e anda a enredar con estas lerias)

E á hora de marchar para casa, volvemos poñer as chaquetas do revés:

O mandato do martes

2009-02-18T09:03:00.000-08:00

Este martes o "Felipe" mándanos poñer pinzas de colgar a roupa nos abrigos e chaquetóns. Mirade como me chegaron estes golfiñ@s á escola hoxe

O "Felipe" di que o luns .....

2009-02-16T02:31:00.000-08:00

Este ano, na semana previa ao Entroido, o "Felipe" di que temos que vir caracterizados dun xeito diferente. Así o luns temos que pintar dous peixiños na cara, o martes hai que poñer pinzas da roupa no chaquetón, o
mércores hai que poñer a roupa do revés e o xoves hai que traer un calcetín de cada cor por fora do pantalón.
Este luns a nosa aula parecía un mar con tanto peixe.... e como estabamos tan guapos e guapas aproveitamos para facer fotos uns aos outros,
¡ ata lle fixemos á profe Tere!

Mirade os peixiñ@s no medio das burbullas

Xa teño 5!!!!!

2009-02-13T08:10:00.000-08:00

Ola, son Aldara e como vedes estou moi contenta porque hoxe celebro no cole o meu 5º aniversario. Como cando cumprín 4, a tía Lola fixo un riquísimo biscoito que compartín cos meus compañeiros e compañeiras e coa profe Teresa.
Aí van estas fotos cheas de corazóns que por algo eu nacín no día dos namorados.

Estou na lavadora

2009-02-10T13:47:00.000-08:00

Hai uns días a profe Teresa pediunos que na nosa libreta de investigación copiaramos palabras e números da lavadora pero que tiveramos coidado non fora ser que quedaramos atrapados dentro dela. Nós botamonos a rir e entón nos contou que cando ela era coma nós (hai uns aniños de nada) vía pola tardes na TVG un programa para nenos e nenas que tiña unhas cancións moi chulas en galego e nunha delas contaban que había alguén vivindo dentro dunha lavadora.
Ese programa aínda o hai agora, é o XABARIN CLUB pero só polas mañás moi cedo e non o podemos ver porque desa hora nós aínda estamos a durmir.
Queremos que volva o XABARIN CLUB pola tarde!
Queremos ver debuxos animados en galego!
Queremos escoitar esas cancións chulas que nos canta a profe Tere!
Aí vai a que fala dun rapaz que estaba dentro da lavadora

Quen anda a encher o mar de plástico?

2009-02-10T12:54:00.000-08:00

Esta foi a mensaxe que atopamos dentro dunha botella de plástico cando chegamos hoxe á escola. Pero, quen mandou a mensaxe? como chegou ata a nosa aula? As nosas preguntas obtiveron resposta cando subimos a biblioteca a buscar información sobre as estrelas de mar. Alí estaban o Capitán Benito e a Grumeta que nos contaron que foran eles os que deixaran a botella coa mensaxe porque xa estaban fartos de ver o mal que trataban ó mar moitas persoas que non lles importaba nada botarlle lixo á nosa querida ría.

Tamén nos contaron unha historia que nós xa coñeciamos porque xa nola contou a profe Teresa cando investigamos quen eran as "heroínas de Sálvora".O capitán Benito Souto e a Grumeta Quilla contaron que hai moitos anos cerca da illa de Sálvora o vapor "Santa Isabel" afundía e que gracias á valentía das mulleres de Sálvora, que non dubidaron en botarse ao mar nas súas dornas, puideron salvarse algúns homes, mulleres, nenos e nenas que ían no barco.

Gracias pola vosa visita, esperamos volver a veros pronto.

(E que conste que nós non somos os que andamos a botar botellas de plástico ao mar, que nós xa sabemos que os envases de plástico hainos que botar no contedor amarelo)

Obradoiro de disfraces de Entroido

2009-02-10T12:42:00.000-08:00

Xa esta a piques de chegar o Entroido e no noso cole andamos todos atarefados preparando os disfraces que luciremos o venres 20 no tradicional pasarrúas por Aguiño. Como o tema dos proxectos de centro deste ano xiraba en torno ao mar, todos os disfraces das diferentes aulas do colexio terán o mar moi presente. As aulas de E. Infantil irán todas caracterizadas de "polbos da ría" e para facer o disfraces pedimos ás familias que trouxeran plástico de burbullas (preferentemente de refugallo) que logo pintamos nas aulas con diferentes cores

Despois cortamos o plástico en tiras para facer os raxos dos polbos. Houbo que facer case 500!

E, como no curso pasado, solicitamos a colaboración de todos os pais e nais que quixeran e puderan achegarse a facer os disfraces dos seus fillos e fillas. A resposta á nosa chamada non defraudou as nosas expectativas e así na tarde do martes 10 quedaron feitos todos os disfraces. En pouco máis dunha hora as profes e as familias ocupáronse de encher os 8 raxos de cada disfrace con papel de xornal e grapalos ao colar .

MOITAS GRACIAS POLA VOSA COLABORACIÓN!

Estrelas de mar

2009-02-08T07:49:00.000-08:00

Seguindo as propostas dos equipos de Medio Ambiente, Normalización Lingüística e Biblioteca do noso colexio, polas que cada aula fará unha pequena investigación dunha especie mariña, comenzamos este pequeno proxecto sobre as ESTRELAS DE MAR. Como sempre pedimos a colaboración das familias para que axudedes aos vosos fillos e fillas a buscar información en diferentes soportes (enciclopedias, contos , DVD, internet,...) coa que logo traballaremos na aula.

FOTOS DE ESTRELAS DE MAR

ESTRELA DE MAR DE 16 BRAZOS

BAILE DA ESTRELA DE MAR

UN POUCO DE MÚSICA: "ESTRELLA DE MAR" (AMARAL)

2 de febreiro: DÍA DA CANDELORIA

2009-02-02T08:29:00.000-08:00

Hoxe é o día da Candeloria e segundo a crenza popular neste día os paxaros casan nas árbores, por iso di o refrán "A partir da Candeloria, ningunha ave voa soa" .
Esta é unha festa de orixe celta que supón o renacer da natureza pola chegada da primavera. Na actualidade é a data escollida para celebrar o Día do Amor en Galicia e seguindo as propostas dos equipos de Normalización Lingüística e Biblioteca do noso colexio decidimos conmemorar este día decíndolle a alguén que o queremos cun poema. Na aula a profe Teresa leunos varios poemas e cada un de nós escolleu o que máis lle gustou e o ilustrou cun debuxo.

Despois os metimos nun sobre e escribimos o nome da persoa ou persoas ás que llo queriamos regalar.

A profe Teresa nos regalou unhas pegatinas para que nos quede de recordo deste día cunha ilustración do artista Romero Britto

Xogamos coas regletas

2009-01-28T09:34:00.001-08:00

Estes días estamos a realizar actividades matemáticas coas regletas.
As regletas son unhas pequenas pezas de madeira de cores que teñen equivalencias numéricas e con elas aprendemos a descompoñer os números, a sumar,... pero tamén facemos figuras, torres, escaleiras,...Aí vai unha mostra das nosas obras:

30 de xaneiro: Día escolar pola PAZ

2009-01-28T07:54:00.000-08:00

Hoxe é 30 de xaneiro e en todos os centros escolares conmémorase o día da Paz.

Nós xa levamos uns días falando do que é ter paz e sabemos que cando temos amigos cos que xogar, familia que nos da todo o que necesitamos, escolas onde aprender e mestres e mestras que nos enseñan moitas cousas que nos fan medrar como persoas, ..... entón a nosa vida transcorre en paz.

Pero hai moitos nenos e nenas que non teñen a sorte de ter todo o que nos temos e aínda por riba teñen que vivir no medio de pelexas, loitas,.... conviven coa guerra e moitas veces morren polas bombas.

Como estes días estamos traballando con xornais, ás veces vemos as fotos das casas desfeitas, dos nenos e nenas feridos,.... e nos da moita pena. Oxalá que acaben pronto estas guerras e que todos e todas podamos vivir en paz.

Para nós ás veces non ter paz é sentirse triste porque algo non vai ben. Algo así lle pasaba á protagonista do conto que nos contaron as profes Teresa e Sara na sá de audiovisuais : A cebra Camila

Despois decidimos facer un traballo cooperativo entre todos os nenos e nenas de Infantil ao igual que fixeron todos os amigos e amigas da cebra Camila que traballaron xuntos para que a cebra Camila chorara de cada vez unha bágoa menos e ao final non lle quedara nin un chisquiño de pena.
O noso proxecto foi facer unha manta, que nestes días fríos de inverno non ven nada mal para estar ben quentiños.
Primeiro decoramos as follas de xornal con ceras Manley sen tapar as imaxes.

Cando todas as partes estiveron listas, chegou o momento de "tecer" a nosa manta xuntando todas e cada unha das partes que fixo o alumnado de Infantil. Para iso as profes colocaron todas e cada unha das follas que fixemos os nenos e nenas enriba dun plástico e as fixaron con cola

Mentres acababan de encolar as follas fomos aprendendo que había moitas formas de escribir a palabra PAZ: PAU, BAKE, PAIX, PEACE, ...pero a que máis nos chamou a atención foi a que se escribía cunhas letras moi raras que non coñeciamos pero que Fátima , da aula de 5 anos, nos dixo que se escribían no seu país, Marrocos. As profes nos deron unha fotocopia coa palabra para levar para casa.

Despois de deixar secar a manta, chegou o momento de darlle uso. Quedamos mirando para ela e primeiro pensamos en taparnos con ela como facemos coas que temos nas nosas casas

pero de seguido ocorréusenos xogar con ela, todos e todas xuntos.

Había moitas posibilidades de xogo:
sentarse arredor dela e pasar a pelota (feita co papel de aluminio de envolver os bocadillos dos mércores)

a profe propuxo despois xogar a "mantear" a bola:

un dos xogos que máis nos gustou foi o "paracaidas", que consiste en levantar moito a tela e a unha orde meterse todos debaixo

Ata fixemos carreiras a rolos por parellas!

Case sen darnos de conta, chegou o momento en que todos os nenos e nenas do colexio nos xuntamos na porta de entrada para facer un pequeno acto conmemorativo conxunto. Alí todos e todas cantamos a canción de Antonio Flores "no dudaría" coa nosa bandeira da paz na man.
Esperemos que a paz chegue pronto para todos e todas en todo o mundo.

Agasallos de Nadal

2009-01-11T14:48:00.000-08:00

Este ano papá Noel e os Reis Magos foron moi bos e xenerosos e nos trouxeron moitos agasallos: bonecas, coches, libros, puzzles,.. e como sempre por estas datas a profe Teresa nos deixa traer ao cole algún destes agasallos para compartir e xogar cos nosos compañeiros e compañeiras.
É bonito ter cousas novas pero o mellor é xogar con elas cos nosos amig@s.
Mirade que ben o pasamos ...

BO NADAL!

2008-12-24T04:54:00.000-08:00

Ola golfiñ@s! que estades facendo? Seguro que estades todos nervios@s porque esta noite chega Papá Noel e como todos e todas fostes tan boíñ@s.....
Non vos preocupedes que xa falei eu con él e dixo que habería regalos para todos e todas pero que tendes que vos deitar cedo esta noite e prometer que vos ides portar moi ben na escola e na casa.
Teño ganas de ver que me deixa a min , que fun moi boíña e comin todo o que me mandaba a miña nai para o cole.
Cando nos volvamos a ver xa será o ano 2009, ata entón as miñas fillas e eu dende A Coruña, desexamosvos BO NADAL!

Obradoiros de Nadal

2008-12-24T03:47:00.000-08:00

Nesta última semana antes das vacacións de Nadal, as profes de E. Infantil organizaron diferentes obradoiros navideños.
Cos nenos e nenas de 3 anos fixemos un obradoiro de postres navideños e decidimos cociñar "xeado de turrón". Para iso xuntamos os ingredientes que necesitabamos e os aparellos que nos habían de facer falta, enriba da mesa:

Ingredientes:
1 tableta de turrón do brando
1 pouco de leite
2 briks de nata liquida

Modo de facelo:
Desfacemos o turrón nun bol e o batemos (coa batedora) cun pouco de leite ata formar un puré fino. Engadimos a nata líquida e o removemos. Botamos a mestura nos moldes e os metemos no conxelador

Foi preciso que todos e todas bateran un pouco, non fora que quedaran anacos sen desfacer:

Pero só o encargado tivo o privilexio de botar a mestura nos moldes:

Despois levamos os moldes para o conxelador e esperamos ata o outro día para comelos. ¡Que fríos estaban! (para ver estas fotos tendes que esperar ata despois de Nadal que as levou a profe María para a súa casa)

Outro día fixemos postais de Nadal no scanner coa profe María. Para iso collimos adornos de poñer na árbore (cintas, boliñas, estrelas,...) e os escaneamos. o resultado víase na pantalla do ordenador e logo o sacamos pola impresora.

E por último, o venres tivemos unha pequena festa de Nadal onde quixemos compartir cos nosos compañeiros e compañeiras unha das cancións que aprendimos co profe Telmo e que nos gusta moito: "Polo Pepe"

¿A que estamos moi guapos e guapas coas novas viseiras? Hai cada....

As profes de E.I. deséxanvos BO NADAL!

2008-12-14T06:41:00.000-08:00

Non sei se saberedes que as profes de E.Infantil despois de preparar as súas clases dedican moito tempo a unha das súas grandes paixóns: o baile. Como? Que non o creedes? Pois premede enriba deste enlace e despois opinade.

Mirar con lupa

2008-12-12T09:39:00.000-08:00

Hoxe Lucía Pérez, da clase de 4 anos B compartiu con nós a súa colección de minerais. Todos e todas puidemos mirar a colección e para non perder detalle, a profe Uxía deixounos a súa lupa con luz. Había moitos e de moitas cores, con formas diversas, algúns dentro de botellas moi pequenas, e case todos cuns nomes rarísimos. Gustounos moito mirar coa lupa e ver todos aqueles minerais tan grandes. ¡parecíamos científicos !

Exposición sobre golfiños

2008-12-12T09:14:00.000-08:00

Con todos os obxectos con golfiños que os nenos e nenas trouxemos para a aula, montamos unha pequena exposición.
Nela había de todo: libros de información sobre os golfiños, contos nos que os protagonistas eran golfiños, peluches, flotadores, gomas para o pelo, reloxios de mesa, tiritas, pulseiras, pinzas para o pelo, documentais en DVD, películas, cadernos de fichas de infantil,...
Como podedes supoñer os libros de información nos foron de moita axuda para o noso proxecto de investigación, cos contos disfrutamos cando os limos, o día que vimos a película "Flipper" aprendimos moito do comportamento dos golfiños sen darnos de conta,....
Dice a profe que é unha pena que non sexa verán para ir probar o flotador á Catia.

A nosa árbore de Nadal mariñeira

2008-12-12T08:55:00.000-08:00

Este ano no cole, como estamos traballando o mar, decidimos facer unha árbore de Nadal mariñeira. Como podedes ver está feita con rede e leva adornos "mariñeiros": peixes, cunchas,...
A que nunca vistedes unha árbore tan orixinal?

Operación xoguete

2008-12-01T09:01:00.000-08:00

O pasado venres a ANPA do noso colexio informounos que querían colaborar cunha ONG que axudaba a nenos e nenas de Nicaragua. Tratábase de recoller xoguetes que non se usaran e que estiveran en bo estado, para facerllos chegar nestas datas de Nadal. Nin que decir ten que, cando a profe nos suxeriu doar os peluches que tiñamos colgados do teito para facer bonito na nosa aula a estes nenos e nenas, ninguén se opuxo e todos estivemos de acordo en que para nós só son adornos e para eles son a posibilidade de xogar e ser un pouquiño máis felices. A profe lavounos ben lavadiños e este luns fomos depositalos nunha caixa que colocaron na porta do despacho da ANPA.
Alí estaba María por parte da asociación para recoller estes xoguetes e agradecernos este xesto tan solidario.

Proxecto Golfiños

2008-11-29T10:40:00.001-08:00

Como xa sabedes, a nosa aula leva por nome "Heroinas de Sálvora" pero todo o mundo nos coñece polo nome do noso blogue: golfiños de Aguiño.
Como non podía ser doutro xeito, decidimos investigar sobre estes animais e por iso pedimos a colaboracion das nosas familias para que nos axuden a encontrar información nos libros que temos na casa, en internet,...
A profe Teresa levounos á biblioteca e alí buscamos libros que falan de como nacen, qué comen, onde viven,... e tamén nos enseñou videos no encerado dixital como estes:

A nena e o golfiño

Sons de golfiños

Viky- o pequeno golfiño

Na aula de informática xogaremos a

atopas ao golfiño?

quen se esconde aí?

acariña á balea azul

Se coñecedes algún outro xogo ou video sobre golfiños nos gustaría que o compartirades con nós. Podedes enviarnolo ao noso correo ou escribir na parte inferior algún comentario.
Gracias pola vosa colaboración.