Parabéns Bea!

Hoxe a nosa compañeira Bea cumpriu 4 anos e compartiu con nós un riquísimo biscoito que fixo a súa nai. Nin que decir ten que estaba boísimo e que non quedou nin unha miguiña.Para agradecerlle este xesto cada neno e nena da clase lle fixo un debuxo e con todos eles fixemos un libriño para que lle quedara de recordo deste día tan especial. Parabéns compañeira!

Contos solidarios

Este venres 26 de setembro os nenos e nenas de 4 anos A e B asistimos a unha sesión de contacontos en Ribeira.Entramos dentro dus autobús especial e alí o "bardo Abelardo" fixo que pasaramos un bo rato contandonos un conto sobre o mal que se sinten os nosos bosques cando a xente os deixa cheos de lixo. Tamén disfrutamos batendo palmas ao ritmo da súa concertina, que é un instrumento musical parecido a un acordeón. Para rematar obsequiaronnos cun contiño e uns lápices de madeira para pintar. Unha mañá xenial, non si?

Parabens, Alejandra

Co comezo do curso chegan tamén as celebracións de aniversario. Hoxe tocoulle o turno a Alejandra, que o pasado 5 de setembro cumpriu 4 anos pero que esperou ata hoxe para celebralo no cole. Pasámolo moi ben facendolle debuxos para agasallala, axudámoslle a soprar as velas e lle cantamos os parabens para ti. Non puidemos facer máis que unha foto porque quedamos sen pilas na cámara pero polo menos tiramos unha de recordo. Aí vai...

Ata sempre compañeiros!

Comenzou o novo curso cheo de novidades: material novo, novos recantos de xogo, novos mestres e mestras,..... pero despois de estrear o novo panel das rutinas démonos conta de que xa non somos 15 nenos e nenas na aula porque dous dos nosos golfiños decidiron ir navegar cara outros mares.
Marcharon do noso cole Breixo, que foi para Vigo moi preto do estadio do seu querido Celta, e tamén Carlos, que foi para o Milladoiro ao lado de Santiago. Botarémosvos de menos pero esperamos que sexades moi felices nos vosos novos coles e cos vosos novos compañeir@s. Esperamos que nos fagades algunha visita sempre que poidades e que sigamos en contacto con vós a través do noso blog.
¡Ata sempre golfiños!

Ola de novo golfiñ@s!

Ola golfiñ@s! Aquí estamos de novo despois de pasar as tan merecidas vacacións de verán. Seguro que o pasáchedes moi ben xogando nas praia coas vosas familias e amig@s pero agora ... xa toca volver ao cole. Teño moitas ganas de vervos a tod@s e de que me contedes que tal vos foi nestes meses, ¡ seguro que xa medrastes tanto que nin vos conozo!.
Agárdovos o xoves 11 ás 9 da mañá (deitadevos cedo o mércores que senón a ver quen vos levanta da cama). Bicos para tod@s.

Parabens Artai

Hoxe, despois da festa de fin de curso, volvimos para a nosa aula porque tiñamos un último aniversario por celebrar. O certo é que Artai non cumpre 4 anos ata o día 26 pero como ese día xa non hai cole decidimos adiantalo. Non nos dou tempo a facerlle a coroa entre todos e por iso lle puxemos unha que tiña a profe Teresa na clase. O que sí fixemos foi dar boa conta do riquísimo biscoito que trouxo para compartir con nós. ¿Queredes velo?

Festa de fin de curso

Despois de contar durante toda a semana os días que faltaban para que chegar o día de fin de curso, aquí está, hoxe dan as vacaciónse a partir de agora e ata o 11 de setembro os golfiñ@s poderemos dedicarnos ao que máis nos gusta: xogar na praia. Pero falando de xogos temos que decir que hoxe non o pasamos nada mal, pois o profesorado do colexio tiña preparado para todos e todas unha festa na que non faltou de nada: inchable, xogos de música, globoflexia, actuacións de bailes de salón e batuka,...
A primeira parada fixémola no inchable:





Despois pasamos polo obradoiro de globoflexia e alí os monitores e monitoras nos fixeron figuriñas cos globos: espadas, flores,..





Houbo tamén tempo para xogar coa corda:



Entre todos os nenos e nenas fixemos un tren que se movía ao ritmo da música:





O que máis nos gustou foi ver a todo o profesorado bailando ao ritmo de John Travolta







Con tanto movemento estabamos agotados por iso sentámonos no chan para descansar vendo as actuacións de bailes de salón e batuka dos nenos e nenas que van a estas actividades extraescolares. ¡Fixéronno moi ben!
Despois destas actuacións acabou a festa, agora só queda ir para a aula e recoller todo pois xa non volvemos ata o 11 de setembro, pero antes de marchar para casa aínda nos queda un último "traballo": celebrar o aniversario (cuns días de adianto) de Artai.

Última saída do curso 2007-2008: xogamos en Couso

Hoxe fixemos a última saída deste curso que mañá acaba. Esta fora unha saída xa programada para o luns pasado pero por culpa da chuvia suspendémola para hoxe e ... tampouco é que tiveramos moita sorte. Cando saímos do cole o ceo estaba cuberto de nubes pero cando chegamos á praia a Couso as nubes xa deixaban caer un fino orballo que fixo que deramos volta de contado pois do contrario acabariamos empapados.
Como proba de que estivemos 5 minutos na praia só temos esta foto:



Temos que agradecer a Eva e Milagros, nai e avoa de Uxía da clase da profe Paula, que nos deixaran pasar esta mañá na súa casa de Couso. De non ser por elas teríamos que ter volto para o cole ao non haber lugar onde resguardarnos da chuvia. O porche da súa casa permitiunos tomar o bocata sen mollarnos:









Despois do bocata o tempo deunos un respiro e puidemos sair ao campo a cantar coa profe Paula a canción do foguete



Máis tarde, a nai de Uxía deixounos ver algúns dos animais que teñen na súa casa




Algúns de nós non dubidamos en acariñar aos cabalos e darlle de comer un pouco de herba









Non puidemos facer todo o que tiñamos pensado (xogar na praia, xogar no campo, xogar nas pedras,....) pero tampouco estivo mal. O importante era pasar unha mañá disfrutando de todos e todas as nosas compañeiras e compañeiros e iso seguro que o conseguimos.