Visitounos Anxo Fariña

Hoxe tivemos unha visita especial: o escritor e ilustrador Anxo Fariña.
A profe Teresa xa nos tiña lido algúns dos seus contos na biblioteca. Os que máis nos gustan son os de "Os Pelelliños" e os de "Antón e Pompón" e por iso tiñamos moita curiosidade por ver como facía os debuxos. O que nós non sabiamos era que había de escoller a dous nen@s para lle facer un debuxo.
Carlota estaba toda emocionada cando viu que Anxo escollía ao seu irmán Julio para facerlle un retrato pero transformado en dragón.
Foi moi divertido porque decía que era quen de facer maxia, pero co rotulador, e nos pedía que bateramos palmas, ou que berraramos forte o nome das letras,...
Cando se despediu tod@s gritamos "¡Anxo Faríña, volve axiña!"
¡ Que gañas temos de que sexa martes para subir á biblioteca e mirar outra vez os seus libros!

Nace un novo proxecto: Erase un/unha bebé

Dice a profe Teresa que podíamos aproveitar o nacemento de Brigo e Hugo para investigar de onde veñen os bebés. Por iso estes días estamos a ver películas, a escoitar contos e a ver cousas que usabamos cando eramos bebés.
Moitos de nós trouxemos para a aula fotos de cando estabamos na barriga da nosa nai (ecografías)







tamén videos e fotos que fixeron as nosas familias cando nacemos, do noso primeiro baño, o primeiro biberón,...




A mamá de Carlos fíxonos este mural en cartolina onde se explica como se forman os bebés (moitas gracias Ana polo teu tempo)




Como non, tamén trouxemos o chupete que máis nos gustaba, os primeiros patucos, cueiros de tamaño mini,....


Andrea trouxo o anaquiño de cordón umbilical con pinza e todo,




e Carlos a pulseira, co nome da nosa nai, que nos poñen cando nacemos,





Tamén Breixo trouxo un libriño que conta como foi medrando dende que naceu ata que deixou a gardería para vir ó cole.

Para aprender a coidar dos bebés, a profe preparounos unha mochila cun bebé, ó que lle puxemos por nome Aurora, e todo o que necesita: biberón, babeiro, peine, roupa,..
Témola na casa tres días e con el xogamos a nais e pais colléndoa no colo, dándolle de comer, ....



Estamos aprendendo moitas cousas: que os bebés non os traen as cegoñas, nin se mercan no super aproveitando unha oferta especial,...senón que para que veña un bebé ten que haber un espermatozoide campeón que chegue a un óvulo, pero seguro que vós xa o sabiades ¿verdade?

Aguiño estase enchendo de bebés

Hai case 15 días que chegou Brigo, o irmán de Artai, e agora tocoulle o turno a Hugo, o irmán de Carlos. Os golfiños de Aguiño e a profe Teresa queremoslle dar a noraboa á familia de Carlos pola chegada deste novo membro do que tamén esperamos que se una á pandilla dos golfiños.
Queremos coñecerte así que....¡Esperámoste no cole!

Felicidades Manuel

¡Xa pensaba que non había de chegar este día! Primeiro me dixeron que o meu cumple era o domingo pero cando miramos o calendario para ver que día da semana é, a profe di que "os días da semana son luns, martes, mercores, xoves, venres, sábado e domingo que non hai cole" así que ese día non tería a miña festa no cole. Despois me dixeron que o ía facer uns días antes, o venres, pero púxeme maliño e non fun ó cole en catro días. Logo me dixeron que o había de facer un día despois, o luns , pero resulta que ese día era o aniversario de Andrea e claro, non lle había de quitar o sitio. Por iso digo que xa pensaba que non ía chegar nunca o día en que os meus compañeir@s me fixeran a miña coroa, me cantaran "parabéns para ti", e comeran todiño o biscoito que fixo a avoa Maruja con tanto cariño.
Dice a profe que ó fin todas as pezas cadraron como nun crebacabezas, mira a ver se eres quen de facer este coas miñas fotos

xa teño 4 anos

Ola, eu son Andrea e como vedes hoxe é o meu aniversario. Xa teño 4 anos e a miña nai e máis a miña avoa Julia estiveron a cociñar estes biscoitos con forma de osiño para compartir con todos os meus compañeir@s. Nin que decir que estaban boiiiiiísimos e que non quedou nin unha faragulla.
Mirade aquí como fixemos a coroa de recordo deste día especial e como soplo as velas

En abril, libros mil

Hoxe é 2 de abril e celebrase o Día do Libro Infantil e Xuvenil.A profe contounos que se escolleu esta data porque un 2 de abril naceu o escritor Hans Christian Andersen. Nós pensabamos que non coñeciamos ningún conto escrito por él pero coas pistas da profe démonos conta que non era así pois resulta que el fora quen escribira "o patiño feo", "Polgariña", "A princesa e o chícharo", "O traxe novo do rei", "A sereiña", "O soldadiño de chumbo", e tantos outros. Foi entón cando decidimos ir á biblioteca do cole e mirar por estes libros.Chamamos polos compañeir@s da aula de 3 anos B e a profe Silvia e alí fomos a ler os contos de Andersen á biblioteca.




















E para celebrar o día do libro a profe Teresa regalounos a cada un dos golfiños un libro chulísimo que, ó abrilo, se convertía nun barco pirata. ¡Esperemos non atopalos nunca polos mares de Aguiño!