Proxecto Eu son....(2)

Seguindo co noso proxecto, hoxe tocoulle o turno ás medidas. Co noso corpo pódense traballar nocións como a medida, o peso,....Coa axuda da profe Sesa medimos a nosa altura no ximnasio, despois na aula cortamos tiras igual de longo que nós e comparamos as alturas









Todas as nosas medidas quedaron reflexadas nunha gráfica que ía de máis altura a menos




Tamén no ximnasio a profe Sesa subiunos na pesa e anotou os quilos que pesamos. Despois na aula puxemos estes datos en forma de gráfica e comparamos o noso peso co dos demáis compañeiros/as, vimos así que hai quen pesa máis que nós, menos que nós ou igual que nós.
Agora xa sabemos quen son os que teñen maior altura ou peso mirando quen ten as barras máis altas, e tamén sabemos quen ten menor altura ou peso mirando quen ten as barras máis curtas.

Xogando e aprendendo na aula de Informática

Os venres é un día especial para os golfiñ@s porque repasamos moitas das cousas que traballamos na aula dun xeito especial: co ordenador. A profe Teresa xa nos enseñou cando tiñamos 3 anos a manexar o rato e agora xa somos quen de xogar nós sen axuda. Este venres estivemos a situar obxectos diante e detrás, arriba e abaixo, a contar cousas e poñer o número.... pero o que máis nos gusta é colorear debuxos. Facemos cada unha! Poñemos árbores azuis, tellados verdes, ceos laranxas,... é que xa estamos fartos de ter que pintar sempre as cousas da mesma cor.¡Que aburrido é sempre ver o ceo azul, as árbores verdes e marróns,...! Ademáis non cansamos nada as mans, fas un "clic" e xa está todo pintado. ¡¿Cando será venres de novo!?

Proxecto Eu son......

Durante o mes de outubro os nenos e nenas da clase de 4 anos A estamos levando a cabo un proxecto que se chama "Eu son....". Nel dice a profe que imos investigar moitas cousas sobre quen somos,como somos, que cousas nos gustan, onde vivimos,... para iso estamos a averiguar datos como o número dos nosos zapatos, a talla do mandilón, a rúa onde está a nosa casa, o número de teléfono,....
Hoxe escribimos o noso nome co lapis, despois o escribimos no ordenador e lle puxemos as letras de cores e tamén aprendemos que se poden decir facendo as letras coa man.










Outro día collemos a cámara de fotos e a profe nos fixo unha a cada un de nós, despois as pasamos ao ordenador e as imprimimos. Despois as recortamos e as pegamos nunha ficha e lle fixemos un marco ben bonito coas ceras Manley








Tamén reflexamos sobre o papel como nos representamos

















Tamén miramos cantos anos tiñamos e o representamos cos dedos da man. Agora xa todos temos 4 menos Yensy que aínda ten que esperar a que chegue Papá Noel para cumplilos




Nos próximos días imos ver canto medimos, canto pesamos, .....Pouco a pouco imos ir completando o noso proxecto. Seguide as nosas investigacións e facede comentarios do que vos parece o noso traballo. Esperamos as vosas novas.

Hoxe é o aniversario de ....ALEX

Este luns 6 de outubro os golfiñ@s celebramos que un dos nosos compañeiros está de aniversario. Alex cumple hoxe 4 anos e por iso trouxo para a escola un riquísimo biscoito para compartir con nós. Coma sempre o homenaxeado cambiou a vela de mural, puxo a coroa e soplou as velas. Pasámolo moi ben e comimos moito mellor.
Parabéns Alex!

Parabéns Bea!

Hoxe a nosa compañeira Bea cumpriu 4 anos e compartiu con nós un riquísimo biscoito que fixo a súa nai. Nin que decir ten que estaba boísimo e que non quedou nin unha miguiña.Para agradecerlle este xesto cada neno e nena da clase lle fixo un debuxo e con todos eles fixemos un libriño para que lle quedara de recordo deste día tan especial. Parabéns compañeira!

Contos solidarios

Este venres 26 de setembro os nenos e nenas de 4 anos A e B asistimos a unha sesión de contacontos en Ribeira.Entramos dentro dus autobús especial e alí o "bardo Abelardo" fixo que pasaramos un bo rato contandonos un conto sobre o mal que se sinten os nosos bosques cando a xente os deixa cheos de lixo. Tamén disfrutamos batendo palmas ao ritmo da súa concertina, que é un instrumento musical parecido a un acordeón. Para rematar obsequiaronnos cun contiño e uns lápices de madeira para pintar. Unha mañá xenial, non si?

Parabens, Alejandra

Co comezo do curso chegan tamén as celebracións de aniversario. Hoxe tocoulle o turno a Alejandra, que o pasado 5 de setembro cumpriu 4 anos pero que esperou ata hoxe para celebralo no cole. Pasámolo moi ben facendolle debuxos para agasallala, axudámoslle a soprar as velas e lle cantamos os parabens para ti. Non puidemos facer máis que unha foto porque quedamos sen pilas na cámara pero polo menos tiramos unha de recordo. Aí vai...

Ata sempre compañeiros!

Comenzou o novo curso cheo de novidades: material novo, novos recantos de xogo, novos mestres e mestras,..... pero despois de estrear o novo panel das rutinas démonos conta de que xa non somos 15 nenos e nenas na aula porque dous dos nosos golfiños decidiron ir navegar cara outros mares.
Marcharon do noso cole Breixo, que foi para Vigo moi preto do estadio do seu querido Celta, e tamén Carlos, que foi para o Milladoiro ao lado de Santiago. Botarémosvos de menos pero esperamos que sexades moi felices nos vosos novos coles e cos vosos novos compañeir@s. Esperamos que nos fagades algunha visita sempre que poidades e que sigamos en contacto con vós a través do noso blog.
¡Ata sempre golfiños!

Ola de novo golfiñ@s!

Ola golfiñ@s! Aquí estamos de novo despois de pasar as tan merecidas vacacións de verán. Seguro que o pasáchedes moi ben xogando nas praia coas vosas familias e amig@s pero agora ... xa toca volver ao cole. Teño moitas ganas de vervos a tod@s e de que me contedes que tal vos foi nestes meses, ¡ seguro que xa medrastes tanto que nin vos conozo!.
Agárdovos o xoves 11 ás 9 da mañá (deitadevos cedo o mércores que senón a ver quen vos levanta da cama). Bicos para tod@s.